Ernialersuineq pillugu ilisimatitsissut

Akileraartarnermut Aqutsisoqarfiup matumuuna nalunaarutigissavaa, akileraarutinut akitsuutinullu akiligassanut ernialersuisarneq aallarteqqinneqassammat ulloq 1. januar 2012, akileraaruserinermik ingerlatsineq pillugu Inatsisartut Inatsisaat nr. 11, 2. november 2006-imeersumi § 43 naapertorlugu.

Piffissaq eqqorlugu akileraarutit akitsuutillu akilerneqarsimanngippata, qaammatit aallartinneri tamaasa, piffissaq eqqorlugu akiliiffissaq killigalugu, qaammammut 1 procentip nalinganik ernialiisoqartassaaq minnerpaamilli 500 koruuninik. Ernialersuisarneq siumut sammisumik atuutilersinneqassaaq.

Akileraarutinut akitsuutinullu akiligassat, ilisimatitsissut una sioqqullugu akilerneqarsimappata, ernialersuisoqassanngilaq, taamaattumillu nalunaarutigineqartoq una qisuariarfigisariaqanngilaq.

Oktober 2011

Akileraartarnermut Aqutsisoqarfik