Akerlianilli akileraaruserinermik allanngortiterinerit naatsorsuutigineqartutuut iluamik inissikkiartuaarput.
Allanngortiterineq naammassinnissinnaassuseqarnerusumik pitsaassuseqarnerusumillu ingerlatsinermik, annikinnerusumik allaffissornermik annertunerusumillu inatsisitigut innarlitsaalisaanermik - sumiinneq apeqqutaatinnagu assigiimmik periuseqarnermik, kiisalu sullitat, innuttaasut suliffeqarfiillu qitiutillugit siunnerfeqarpoq.
Tamatumunngali atatillugu nassuerutigisariaqarpoq arlalitsigut suliap ingerlanerani akiorniagassaqartarsimasoq, pingaartumik IT-teknikkimut aaqqissuussiniarnermullu tunngasutigut.
Allannguinermut akerliunerup, soorlu kingullerpaamik Kalaallit Nunaata Kujataani kommunet Peqatigiiffiannit Maniitsullu kommuneanit oqaatigineqartut eqqortunik aalajangiinernik taamaattunullu malitseqartitsinernik pingaartitaqarneq allanngortittariaqanngilaa. Kingulliullugu taaneqartoq allanngornerit peqataasunut tamanut allanngortiterinermi naleqqussarnermilu ingerlatatut ilisarnaateqartuussapput, tamanna allannguinerup immini nassataraa.
Kommunenit isornartorsiuinermi allannguinerup saniatigut aamma aaqqissuussaanermi ilusiliineq sammineqarpoq. Tassalu akileraaruserinermi akiliisitsiniartarnermilu suliassat sumut inissinneqassanersut, siunissami kommunenut sisamanut, imaluunniit Namminersornerullutik Oqartussanut.
Anguniagassatut tunuliaqutaasut - naammassinnissinnaassuseqarnerusumik pitsaassuseqarnerusumillu ingerlatsineq, annikinnerusumik allaffissorneq annertunerusumik inatsisitigut innarlitsaaliineq - tamakkiisumik iluaqutaasumik aaqqiineq eqqortoq ataasiinnaavoq. Aaqqissuussaanikkut suliassanik ataatsimoortitsineq, tassa oqartussaasumut ataatsimut. Arlalinnut avissaartuussineq - kommunenut 18-inut 4-nulluunniit anguniakkat tamarmik assigiinngitsumik annertussuseqartumik nukillaarsarneqassapput.
Taamaattumik qitiusumik Naalakkersuisut allaffeqarfianni, tassalu Akileraartarnermut Pisortaqarfimmi aaqqiineq inissinneqaruni pitsaanerpaajuvoq.
Erseqqinnerusumik paasissutissat: Aningaasaqarnermut nunanullu allanut tunngasutigut Naalakkersuisoq Aleqa Hammond 345204 imaluunniit direktøri Kaare Hagemann 346502