S6 - Kinguartitsinissamik qinnuteqaat

Ukiumut aningaasarsiorfiusumut 2011-mut nammineerluni nalunaarsuiffiup tunniunneqarnissaata kinguartinneqarnera

Inuit, namminersorlutik inuussutissarsiuteqartut aamma selskabit nammineerlutik nalunaarsuiffimminnik tunniussaqartussaapput kingusinnerpaamik 1. maj 2012-imi.

Akileraaruserinermik ingerlatsineq pillugu inatsimmi § 16, imm. 4 naapertorlugu nammineerluni nalunaarsuiffiup piffissaq tunniunneqarfissaa qinnuteqarnikkut kinguartinneqarnissaa ataasiakkaanut suli periarfissaassaaq.

Akileraaruserinermik ingerlatsineq pillugu inatsimmi § 16, imm. 4-mut oqaaseqaatini ima allassimasoqarnera takuneqarsinnaavoq:

”Immikkut peqquteqarluni akuerineqarsinnaasumik nammineq nalunaarsuineq kingusinnerusukkut nassiunnissaat akileraaruseriffiup akuerisinnaavaa, akileraarusiinermi sulianut naapertuuppata. Nammineq nalunaarsuinissaq kingusinnerusukkut nassiunniarlugu qinnuteqaat kingusinnerpaamik 1. maj nassiunneqassaaq. Qinnuteqaat tunngavilersorneqassaaq, soorlu akileraartartup immersuinissaminut paasissutissat tamaasa pissarsiarisimanngikkunigit, napparsimaguni assigisaanilluunniit.

Nammineq nalunaarsugassap kingusinnerusukkut nassiunnissaa akileraaruseriffiup itigartissinnaavaa, kingusinnerusukkut nassiussineq suliat pilersaarusiornerinut inaarsarnerinullu kinguarsaataasussaappat.”

Akileraartarnermut Aqutsisoqarfiup Nalunaarutaa nr. 59, 19. juli 2011-meersoq uani takusinnaavattaaq.

Kinguartitsiniarnermi immersugassaq

Immersugassaq ataani pineqartoq ataasitsimik quppernilik kinguartitsinissamik qinnuteqaataavoq. Immersugassaq PDF-itut toqqornikuuvoq (Adobe Reader).

Marlunnik toqqagassaqarputit:

· Nalunaarsuiffik aasinnaavat, anillatsillugu taavalu paasissutissaatitit assannik nammineerlutit nalunaarsorlugit.

· Imaluunniit paasissutissat qarasaasiakkut toqqaannartumik immersoriarlugit anillatsillugit. Ajoraluartumik nalunaarsuiffik immersornikoq qarasaasianni toqqorsinnaanngilat.

Qulaani toqqagassani marlunni kinguartitsinissamik qinnuteqaat illit nammineerlutit allakkatigut imaluunniit fax-ikkut nassiutissavat. Aammattaaq immersukkat scannersimagukku mail-ikkut nassiussinnaavatit.

Kinguartitsinissamik qinnuteqaat uani aasinnaavat.

Atuukkunnaassaaq 31. decembari 2012