Aningaasaqarnermut Siunnersuisoqatigiit

Aningaasaqarnermut Siunnersuisoqatigiit Naalakkersuisunit 2009-mi pilersitaavoq.

Aningaasaqarnermut Siunnersuisoqatigiit siulittaasoqarfimmit arfinilinnit inuttaqartumik aqunneqarpoq. Siulittaasoqarfik siulittaasumik ataatsimik, siulittaasup tullianik ataatsimik ilaasortanillu allanik sisamanik inuttaqarpoq tamarmik Naalakkersuisunit toqqarneqartunik.

Siulittaasoqarfiup saniatigut Aningaasaqarnermut Siunnersuisoqatigiit soqutigisaqaqatigiiffinneersunik, Naalakkersuisut aqutsisoqarfianeersunik suliffeqarfinniillu ilisimatusarnermik suliaqartuneersunik ilaasortaqartinneqarpoq. Ilaasortat kattuffinneersut suliffeqarfinniillu ilisimatusarnermik suliaqartuneersut pineqartut kattuffianniit toqqagaapput. Ilaasortat allat Naalakkersuisunit toqqagaapput.

Siulittaasoqarfimmi aamma Aningaasaqarnermut Siunnersuisoqatigiit kikkut ilaasortaanersut uani takukkit.

Siunnersuisoqatigiinnut ilaasortat nalunaarusiap imarisaanut oqaaseqarsinnaapput, siulittaasoqarfilli kisimiilluni imarisassaanut akisussaavoq.

Siunnersuisoqatigiit allattoqarnikkut aqunneqarnera ilaatigut Aningaasaqarnermut Naalakkersuisoqarfimmit ilaatigullu Nationalbankimit isumagineqarpoq.

Aningaasaqarnermut Siunnersuisoqatigiit suliassarai akit aningaasarsiornikkullu pissutsit ineriartornerisa ingerlaavartumik nalilersornissaat aningaasarsiornikkullu politikip ingerlanneqartup qanoq atorsinnaatiginerata nalilersornissaa.

Nalunaarutit

Aningaasaqarnermut Siunnersuisoqatigiit 2011-mi nalunaarutaat

Aningaasaqarnermut Siunnersuisoqatigiit 2010-mi nalunaarutaat 

Teknikkikkut nalunaarusiaq 2010:1 – Aningaasaqarnermut tunngasortaa (2010) aamma Teknikkikkut nalunaarusiaq 2010:2 – ilinniartitaanermi iluanaarut (2010) qallunaatut taamaallaat pigineqarput.