Nunani Avannarlerni paarlaasseqatigiittarneq

NUNANI AVANNARLERINI PISORTANI ATORFILLIT PAARLAATEQATIGIITTARNERAT.

Nordisk Ministerråd-ip missingersuutaani nunat avannarliit akornanni pisortani atorfillit paarlaateqatigiittarnissaannut aningaasanik 2012-mut immikkoortitsisoqarsimavoq. Tamatumunnga atatillugu Kalaallit Nunaat namminersortutut Nunani Avannarlerni nunanut allanut naligiissitaavoq.

Nunat aaqqissuussinermut peqataasut ilanngussami ilanngunneqartumi allattorsimapput. Nunani ataasiakkaani naalagaaffimmi kom-mune-nilu suliffeqarfinni inuit attaveqaataasut taamatuttaaq ilanngussami allattorsimapput.

Kalaallit Nunaat eqqarsaatigalugu aaqqissuussinermut ilaapput Namminersorlutik Oqartussani taakkulu ataanni suliffeqarfinni imaluun-niit kommune-ni tjenestemand-it isumaqatgiissuteqarlutillu sulisut.

SIUNERTAA:

Pisortani atorfillit paarlaateqartigiittarnerisigut pisortat ingerlatsiviini sulisut nunat avannarliit allat arlaanni ingerlatsivimmi sulinermikkut nunani avannarlerni suliassaqarfimmik iluini pissutsinik ilisimannilersinneqarnissaannut periarfissinneqarnissaat siunertarineqarpoq. Pisortat suliassaqarfiisa ineriartortinneqarnerannik sulinermi nunanut tamalaanut isiginninneq annertunerpaamik pingaaruteqarpoq. Inuttut atuagarissaarnitta ingerlatiinnarneqarnissaanut ineriartorteqqinnissaallu isumassarsiornissaq pisariaqartipparput – aammattaaq nunanit sanilerisatsinnit.

Nunat avannarliit allat arlaanni ingerlatsivimmi sulinikkut suleqataasut nunat allat suliffeqarfiini iluaniit paasitinneqartarput. Sulinermut atatillugu avatangiisini periaatsinik ineriartortitsiviusimasuni ajornartorsiutinik aaqqeeriaatsit allat ilinniarnissaannut suliarinissaannullu periarfissisoqartarpoq.

INGERLATSINEQ:

Maleruagassat pisortani atorfillit paarlaasseqatigiittarnermut atuuttut Nordisk Ministerråd-imit aalangersarneqartarput. Nordisk Ministerråd-ip Allattoqarfia aaqqissuussinermik nunat avannarliit ataatsimut ingerlatsinerannut akisussaavoq. Nunani ataasiakkkaani allaffissornikkut aqutsinermut suliffeqarfiit akisussaasut toqqarneqarsimapput, taakkunani attaveqaataasoq toqqarneqarsimalluni, ilanngussaq ilannguneeqartoq takuuk. Kalaallit Nunaannut tunngatillugu attaveqaataasoq suliffeqarfillu tassaapput:

Karen Lerch

Aningaasaqarnermut Sulisoqarnermullu Aqutsisoqarfik

Postboks 1039

3900 Nuuk

Email: kale@nanoq.gl

Aaqqissuussineq Kalaallit Nunaanni allaffissornikkut aqunneqarpoq aaqqissuussinermut maleruagassat nalinginnaasumik atuuttut tun-ngavigalugit.

MALERUAGASSAT NALINGINNAASUT:

Aaqqissuussineq tunngavigalugu paarlaasseqatigiilluni najugaqartoqarnissanut sulisut marluk suliffimminnik paarlaassinissaat pi-sariaqanngilaq.

Paarlaasseqatigiilluni najugaqarneq sivikinnerpaamik qaammammik ataatsimik sivisunerpaamillu ukiumik ataatsimik sivisussuse-qassaaq. Peqataasussat nammineerlutik suliffeqarimmut tigusisussamut pisariaqartinneqartunik attaveqarnerit suliarissavaat taamatut-taaq sulinerup nalaani sulinermi pissutsit pilersaarusiorneqarnerat.

Piffissaq atorfigisami sulinertut isigineqassaaq. Tamatuma kingunerissavaa suleqataasup pisarnertut akissarsiaminik atorfigisaminut atatitaasunik piginniinarnera. Kalaallit Nunaata avataani sulinermi suleqataasoq dansk-it akissarsiaasa amerlaqataannik akissar-siaqartinneqssaaq, imaalilluguli immikkut tapisiaasinnaasut aamma suliartoqquneqaratarsinnaanermut tapisiat Kalaallit Nunaanni an-nertussutsit malilugit tapisiaritinneqartassallutik.

Sulinermi suleqataasup piffissaq suliffiusussaq pillugu maleruagassat atorfimmut atuuttut malissavai, sulinerullu malitsigisaanik akisus-saaffeqassaluni pisussaaffeqassalunilu. Suleqataasoq nipangiussisussaatitaaneq, atorfimmut pineqartumut atuuttoq, pillugu piumasa-qaataasinnasunut akuerissaaq pisariaqartinneqassappallu tamanna pillugu pisussaaffeqarnerminut atsiussalluni.

Suleqataasoq pisussaavoq atorfeqarnerup naaneraniit kingusinnerpaamik qaammatit pingasut qaangiunneranni atorfeqarnermini misilit-tagarilikkani il.il. Kalaallit Nunaanni sulisitsisutut oqartussaasumut nalunaarummik tunniussaqassalluni. Nalunaarusiat tamarmik as-silineqarneri Aningaasaqarnermut Sulisoqarnermut Aqutsisoqarfimmut nassiunneqassapput.

ANINGAASAQARNIKKUT KILLISSARITITAASUT:

Ministerrådip missingersuutaani ukiut tamaasa aningaasat angalanermut aningaasartuutinut aningaasarsianullu matusissutissat aaq-qissuussinermut maleruagassat atuuttut naapertorlugit immikkoortinneqartarput. Missingersuutit nalinginnaasumik ukiup siuliani decem-ber-ip qaammataata ingrlanerani aalajangerasrneqarsimassapput.

Ministerrådi allanik aalajangersaasimatinnagu aningaasat Kalaallit Nunaata aaqqissuussinermut peqataanissaanut atugassan-ngortinneqartut Aningaasaqarnermut Sulisoqarnermut Aqutsisoqarfimmiit agguaanneqassapput. Kommune-ni sulisunut tunngatillugu KANUKOKA-p inassuteqaateqarneratigut agguaassissoqartassaaq.

Aaqqissuussinerup ataani qaammatit tamaasa sulinermut aningaasaliisoqartssaaq paarlaasseqatigiilluni najugaqarnermi aningaa-sartuutaanerusunut matusissutissanik. Peqataasumut aningaasaliissutit (Stipendiet) 11.000 kr.  qaammammut aalangersimasunik amerlassusillit tunniunneqartassapput.

Suliffeqalernermut soraarnermullu atatillugu aningaasarsiat angalanermullu aningaasartuutit aningaasanit aaqqissuussinermut atugas-sanngortinneqartunit akilerneqartassapput.

Immikkut ittoqarpat, soorlu piffissaq suliffeqarfiusoq qaammatinik arfinilinnik sivisussueseqartussatut taakkuninngaluunniit sivisu-nerusussatut akuersissutigineqarpat taamatuttaaq ilaquttat angalaqataasut angalanerannut aningaasartuutit pigisallu pisaria-qartinneqartut assartorneqarnerannut aningaasartuutit akilerneqassapput. Taamatuttaaq suleqataasoq ilaqutaalu angalaqataasut illo-qarfimmut najugaqarfiannut suliffeqarfimmullu uternerannut akiliullugit angalatinneqassapput.

Suliartorluni suliunnaarlunilu angalanermi aamma tikeraarluni akiliunneqarluni angalasoqartillugu akikillisaataasinnaasut iluaqutiginiar-neqassapput.

NAPPARSIMALERNISSAMUT SILLIMASIINEQ / ANGALANERMUT SILLIMMASIINEQ:

Paarlaasseqatigiilluni najugaqarnermut allanit tapiiffigineqarpat taamatuttaaq angalanermut aningaasartuutinik aningaasarsianillu akiliu-titinnissamut pisinnatitaaffik atorunnaassaaq.

Paarlaasseqatigiilluni najugaqarnerup nalaani sulineq unitsinneqarpat, piffisamiit sulinerup unitsinneqarfianiit aningaasarsisitsisarneq atorunnaassaaq. Taamaalippat suleqataasoq pisussaavoq ingerlaannarluni Kalaallit Nunaanni suliffigisimanut utissalluni.

ILASSUTITUT AALANGERSAKKAT:

Aaqqissuussineq tunngavigalugu sulinikkut aningaasartuutaanerusartut qaammatini arfinilinni taakuninngaluunniit sivisunerusumik suli-soqartillugu annertuseriartaqimmata, piffissaq suliffiusussaq qaammatinit arfinilinnit sivikinnerusussanngorlugu killerlerniarneqartas-saaq. Pissutsit immikkut itsillugit piffissaq suliffiusussaq qaammatinik arfinilinnik sivisussusilerlugu taakkuninngaluunniit sivisunerusus-sanngorlugu isumaqatigiisuteqartoqarsinnavoq.

Sulinerup nalaani sulinngiffeqarnerup sivisunerpaamik sapaatit akunnerinut pingasunut killilerneqartarnissaa anguniarneqartassaaq.

PERIAATSIT:

Aaqqissuussineq naapertorlugu paarlaasseqatigiilluni najugaqarnissaq pillugu qinnuteqaateqartoqartassaaq suleqataasup suliffe-qarfiullu tigusisussap akornanni siumut isumaqatigiissuteqarsimaneq tunngavigalugu. Suleqataasup akisussaaffigaa qulakkiissallugu suliffimmi suliassat sulinermilu pissutsit naleqquttuunissaat kiisalu sulinermut atatillugu naleqquttumik inissaqartitsisoqarnissaa. Ine-qarnermut akiliutit suleqataasumit namminermit najukkami maleruagasat atuuttut malillugit akilerneqartassapput.

Kammattuutigineqassaaq paalaasseqatigiilluni najugaqarnissaq sioqqulluarlugu suleqataasup qulakkersimassagaa ineqarnermut, angalanermut, suliassanut, suliffeqarfissap aaqqissuussaneranut il.il. taakkununnga tunngasut aaqqissimanissaat. Paarlaasseqa-tigiiffimmi aalangersimasumik attaveqarfigisaqarnissaq kaammatuutigineqassaaq.

Paarlaasseqatigiilluni najugaqarnissamik qinnuteqaat suleqataasumit suliffeqarfimmut nassiunneqssaaq. Qinnuteqaat suliffeqarfiup ta-persiissutaanik uppernarsaaserneqassaaq suliarineqarnissaanut ingerlateqqinneqartinnagu.

Sulisitsisutut oqartussaasoq Namminersorlutik Oqartussat ataanni suliffeqarfiuppat qinnuteqaat Aningaasaqarnermut Sulisoqarnermullu Aqutsisoqarfimmut ingerlateqqillugu nassiunneqartassaaq.

Sulisitsisutut oqartussaasoq kommune-uppat qinnuteqaat kommune-mit pineqartumit KANUKOKA-mut ingerlateqqillugu nassiun-neqartassaaq.

Aningaasaqarnermut Sulisoqarnermullu Aqutsisoqarfik taamatullu KANUKOKA killissarititaasut, sulisoqarfiit taakku marluk akornanni isumaqagiissuteqarsimasut, iluanni qinnuteqaatinik pingaanersiuissapput.

Qinnuteqaatip akuerineqarnera Aningaasaqarmut Sulisoqarnermullu Aqutsisoqarfimmit taamatullu KANUKOKA-mit suleqataasumut pine-qartumut aamma sulisitsisutut oqartussaasumut nalunaarutigineqassaaq. Taamaalereerpat Aningaaqarnermut Sulisoqarnermullu Aqutsisoqarfiup, taamatullu kommune-p suleqataasoq pineqartoq aaqqissuussineq naapertorlugu akissarsiaqarluni sulinngiffe-qarsinnaasoq nalunaarfigissavaa.

Aningaasartuutit siullermik Kalaallit Nunaanni sulisitsisutut oqartussaasumit matussuserneqassapput. Aaqqissuusineq naapertorlugu suliffeqarfimmi aningaaserivimmut akissarsiat akiliutillu nuunneqartarnissaat kissatigineqarpat suleqataasup aningaaserivik konto-llu normua innersuussutigissavai.

Akiliutinut – akissarsiat saniatigut – matusissutinut uppernarsaatit Aningaasaqarnermut Sulisoqarnermullu Aqutsisoqarfimmut inger-lateqqullugit nassiunneqartassapput sulisitsisutut oqartussaasup uppernasaaasigai aamma sulisitsisutut oqartussaasup aningaa-servia konto-normualu taallugit. Aningaasaqarmut Sulisoqarnermullu Aqutsisoqarfiup uppernarsaatissat Ministerråd-ip Allattoqarfianut ingerlateqqillugit nassiutissavai, taassuma aningaasat sulisitsisutut oqartussaasup konto-anut nuussammagit.

Aaqqissuusineq naapertorlugu sulissamik qinnuteqaat paasissutissanik makkuninnga imaqassaaq:

- Kalaallit Nunaanni sulisitsisutut oqartussaasoq

- Suleqataasup aqqa

- Suleqataasup Qitiusumik Inunnik Nalunaarsuiffimmit normua (CPR-nummer)

- Suleqataasup atorfia

- Nunami suliffigisassami paarlaasseqatigiilluni suliffissaq

- Nunami suliffigisassami suliffeqarfik atorfillu

- Piffissaq suliffeqarfigisassap isumaqatigiissutigineqartup qaqugukkut pinissaa

- Piffissaq suliffiusussaq qaammatunik arfinilinnik sivisusseqartussatut sivisunerusumilluunniit pilersaarusiorneqarsimappat ilaqutat ilaginissaannik pigisallu nuunneqarnissaannik kissatigineqasinnaasut

- Akiliutigineqartussat suut qinnuteqaatigineqarnersut (akissarsiaqarluni sulinngiffeqarneq, angalanermut aningaasartuutit, aningaa-sartuutiginerusanut matussutissat) (naatsorsuutit)

- Allatut tapiissuteqarsimanersoq imaluunniit allaniit tapiissuteqartoqarnissanik qinnuteqaateqartoqarsimanersoq pillugit paasissutissat

KALAALLIT NUNAANNUT PAARLAASSEQATIGIITTARNEQ:

Kalaallit Nunaanni atorfimmut suleqataasut nunanit avannarlernit allaneersut paarlasseqatigiinnissamut pilerisaarinissaat siuner-taralugu sulisitsisut ataasiakkat qinnuigineqarput suliffeqarfimmik iluani atorfinnik paarlaasseqatgiissutaasinnaasunik siunnersuummik nassiussaqaqqullugit. Siunnersuutip imarissavaa atorfiup allaaserineqarnera atorfinittussarsiornertut ilusiligaq aaqqissuussineq inner-suussutigulu.

Suliffeqarfiit Namminersorlutik Oqartussat ataaniitut qinnuigineqarput siunnersuutinit Aningaasaqarmut Sulisoqarnermullu Aqutsi-soqarfimmut nassiuteqqullugit. Kommune-t qinnuigineqarput siunnersuutit KANUKOKA-mut nassiuteqqullugit, tassanngaanniit Aningaa-saqarmut Sulisoqarnermullu Aqutsisoqarfimmut attaveqarneq ingerlateqqittassammagu.

PAASISSUTISSIINEQ:

Allakkamik matuminnga tigusisut pisussaapput isumagissallugu suliffeqarfiit imminnut atasut allakkap matuma assilineqarnera atorlugu aaqqissussinermik ilisimatissallugit. Taamatuttaaq nassiussivigineqartut qinnuigineqarput suleqataasut tamarmik paarlaasseqatigiis-sinnaanermut periarfissamik ilisimatinneqarnissaannik. Suleqataasut aaqqisuussineq naapertorlugu suliffissarsiortut maleruagas-saanik siuliini taaneqareersunik ilisimatinneqassapput.

Nunat aaqqissuussamut peqataasut kiisalu attaveqaataat makkuupput:

Louise Koldby Dalager, email: lkd@perst.dk
Personalestyrelsen
Frederiksholms Kanal 6
1220 København K, Danmark

Ritva Ukkonen, email: ritva.ukkonen@cimo.fi
Centret för internationellt personutbyte (CIMO)
Postboks 343
00531 Helsingfors, Finland

Runi Rasmussen, email: runir@tinganes.fo
Lagmandens kontor,
Landstyrets forretninger
Postboks 64
110 Thorshavn, Færøerne

Karen Lerch, email: kale@nanoq.gl
Personaleadministrationen, Økonomi- og Personalestyrelsen
Postboks 1039
3900 Nuuk, Grønland

Ásta Lara Leosdóttir, email: asta.lara.leosdottir@fjr.stjr.is
Fjámálaráduneytid
Arnarhvoli
150 Reykjavik, Island

Bushraa Mohammed, email: bm@difi.no
Direktoratet for forvaltning og IKT
Postboks 8115
0032 Oslo, Norge

Petra Göransson, email: petra.goransson@krus.nu
Kompetensrådet för udveckling i staten
Postboks 3601
103 59 Stockholm, Sverige

Sarah Holmberg, email: sarah.holmberg@regeringen.ax
Ålands landskapsregering
Postboks 1060
22111 Mariehamn, Ålandederst på formularen

Nordisk Ministerråd:
Michael Matz / Seniorrådgiver, email: mima@norden.org
Tiina Hiltunen / Koordinator, email: tihi@norden.org