Namminersornerullutik Oqartussat Grønlandsbankenimi aktianik pisinissaat Finanstilsynip akueraa
Grønlandsbanken A/S-imi aktiat 13,7 procentiisa Nationalbankenimit Namminersornerullutik Oqartussanit pisiarineqarnissaat Finanstilsynip 8. februar 2005-imi akueraa.
Namminersornerullutik Oqartussat aktianik aningaasat nalinginut 361-imut, tassa 89 mio. kr.-inut naapertuuttunut pisinisssaat Namminersornerullutik Oqartussat Nationalbankenillu 20. januar 2005-imi isumaqatigiissutigaat. Illuatungeriit taakku marluk akornanni ilimagineqareersutut aktiasineq maanna Finanstilsynip akueraa.
Taamaalillutik Namminersornerullutik Oqartussat aktiaatigilikkaminnik tigusisinnaanngorput. Namminersornerullutik Oqartussat 15. februar 2005-imi aktianik tigusinissaat illuatungeriit isumaqatigiissutigaat.
Josef Motzfeldt