Allaffimmi fuldmægtigi

Aningaasaqarnermut Sulisoqarnermullu Aqutsisoqarfik

Saaffiginnittarfimmut nutaanik suleqatissarsiorpoq.

Suliassat makkuusinnaapput:

• Allakkanik agguaassineq / allagaateqarfimmut inissitsiterineq
• Atorfinnik inuttassarsiuussinerit
• Inissianik aqutsineq
• atorfimmut atatillugu angalanissanik ataatsimeersuarnissanillu inniminniisarneq
• Allattoqarfittut suliassat
• Saaffiginnissutinik ataqatigiissaarineq
• Pequtinut allattuiffinnik malinnaasitsineq

Saaffiginnittarfimmik ulluinnarni ingerlatsineq aqutsinerlu taamatuttaaq suleqataasunut suliassanik suliakkersuisarneq naalagarisaq qaninnerpaaq suleqatigilluinnarlugu pisarput.

Naatsorsuutigaarput illit:

• Suliumassuseqarluartuusutit suleqatiginnissinnaassuseqarlutillu
• Ingerlatitseqqeriallaqqissuusutit allattariarsornikkut oqaluinnarnikkullu
• Naleqquttumik ilinniagaqarsimasutit
• Sullissinissamik soqutiginnittuusutit

Neqeroorutigaagut:

Suleqatit suleqatikkuminartut

Suliffeqarfimmi pissutsit pingaartorsiorfiunngitsut ammasumillu pissusilersorfiusut

Aningaasarsiaqartitaanermi atorfeqartitaanermilu atugassarititaasut:

Atorfeqartoq Namminersornerullutik Oqartussat SIK-llu akornanni isumaqatigiissut atuuttoq malillugu aningaasarsiaqartitaassaaq. Atorfinittumut inissaqartitsisoqarsinnaassaaq, ineqarnermut akiliutinik, qularnaveeqqusiissutinik allanillu malittarisassat atuuttut malillugit akilersorneqartussamik. Utaqqinissaq naatsorsuutigineqartariaqassaaq.