Aatsisartoq

Aatsisartoqarfik/Oqaluunniakkanut nuutsisarfik Namminersornerullutik Oqartussat qitiusumik allattoqarfiata illutaaniippoq, aaqqissuussaanikkulli Aningaasaqarnermut Sulisoqarnermullu Aqutsisoqarfimmut atalluni.

Aatsisartoqarfik sullissiviuvoq qitiusumik allaffeqarfimmi Pisortaqarfinnik allannik avataaneersunik aallernikkut, agguaassisarnikkut tunniussiartortanikkullu sullissisuusoq, Pisortaqarfiit akornanni Nuummilu sullissiveqarfiit attuumassutillit il.il. akornini allakkanik agguaassinikkut sullissisuullunittaaq. Tamatuma saniatigut Aatsisartoqarfik Naalakkersuisunik taakkulu tikeraartuinik angallassisarpoq, kiisalu Inatsisartut ataatsimiinnerini Inatsisartunik ilaasortaanillu sullissisarluni.

Aatsisartoqarfik/Oqaluunniakkanut nuutsisarfik aqqanilinnik sulisoqartussatut naatsrosuussaavoq. Immikkoortortami aqutsisup saniatigut aatsisartoq/aqutsisup tullia, aatsisartut tallimat aamma assistentit sisamat. Aatsisartup immikkoortortami aqutsisoq qullersaraa.

Suliassat akisussaaffiillu:

• allakkanik aallerneq aatsinerlu
• qitiusumik allaffeqarfiup iluani aamma Nuummi suliffeqarfinnut assigisaanullu allakkanik avammukartuunngitsunik agguaassineq
• tikeraartunik sullissineq, angallassineq il.il.

Piareersimasoqartitsisoqartarmat sapaatit akunneranut ataasiarluni pigaartuusoqartassaaq.

Kissaatigaarput:

• sullissivimmi aatsisartoqarfimmut assersuunneqarsinnaasumi sulinermik misilittagaqartutit
• naalakkersuinermik sulialinnut qanittumik suleqarteqarnissannut piareersimasutit
• ammasuusutit kiisalu suliannut suleqatinnullu attaveqarnissannut soqutiginnittutit qiimasuullutillu
• aalaakkaasumik suliartortartutit sulinerillu aalaakkaasuusoq

Biilersinnaanermut allagartariaqarputit.

Taava uagut neqeroorutigisinnaavavut:

• suliffik pisoqarfiujuartoq
• suleqatit pitsaasut, Aatsisartoqarfik/Oqaluunniakkanut nuutsisarfiup suliffittut suli pitsaanerulernissaanut ikiuussinnaassasutit
• pikkorissarnernut Namminersornerullutik Oqartussani sulisut pinngitsooratik aqqusaagassaannut peqataaneq, soorlu attaveqarneq suleqatigiinnerlu, aammalu pikkorissarnerit allat suliannut attuumassuteqarsinnaasut.

Atorfik ullumikkut tjenestemanditut atorfiuvoq ullumikkut akissaateqarfiit 11-anniilluni.

Atorfinitsitsisoqassaaq Kalaallit Nunaanni Namminersornerullutik Oqartussani kommunenilu tjenestemandit pillugit Inatsisartut inatsisaat nr. 21 af 18. december 2003–meersoq naapertorlugu, Kalaallit Nunaanni Namminersornerullutik Oqartussat kommunellu ataanni tjenestemanditut atofinnut ilaasut atorfeqarfiussallutik. Atorfik maanna Nuummiippoq.

Akissarsiaqartitaanermi atorfeqartitaanermilu atugassarititaasut taamatuttaaq akiliunneqarluni atorfinikkiartorluni soraarnermilu angalasinnaatitaaneq aamma pigisat nuunneqarnerat pissapput piffissami atorniffiusumi Naalakkersuisut kiisalu Nunatsinni Atorfillit Kattuffissuata akornanni isumaqatigiissutit atuuttut naapertorlugit.

Inissaqartitsisoqarsinnaavoq malittarisassat qaqugukkullunniit atuuttut naapertorlugit akiliuteqarfigineqartartussamik. Kisianni Nuummi inissaqarniarnikkut pissutsit pissutigalugit suliffimmut atasumik inissarsinissamut utaqqinissaq naatorsuutigineqartariaqarpoq.

Qinnuteqarnissamut killigititaq: Qinnuteqaatit Aningaasaqarnermut Sulisoqarnermullu Aqutsisoqarfimmit tiguneqareersimassapput kingusinnerpaamik ulloq 22. august 2008.