- Uaniipputit:
- Saqqaa
- Naalakkersuisut
- Naalakkersuisoqarfiit
- Aningaasaqarnermut Naalakkersuisoqarfik
- Nutaarsiassat
- Aningaasaqarnermut Nunanullu allanut Naalakkersuisoqarfimmit nutaarsiassat
Namminersorlutik Oqartussat aamma ASG isumaqatigiipput
Ilinniagartuut, soorlu faglærerit ilinniagartuut Namminersorlutik Oqartussani kommuninilu pisortat tjenestemand-isut tjenestemand-inulluunniit assingusumik atorfillit pillugit isumaqatigiissutit il.il. nutarternissaat pillugit isumaqatigiissut Namminersorlutik Oqartussat aamma Ilinniagartuut Kattuffiata (ASG) ulloq 31. januar atsiorpaat.
Angusat illuatungeriit tunuliaqutaannit akuerineqarnissaat utaqqimaarneqarpoq. Isumaqatigiissut 1. april 2012-imit 31. marts 2015-imut atuutissaaq, ilanngaaseereerlunilu sinaakkusiussat 3%-iusut iluanni isumaqatigiissutigineqarluni.
Namminersorlutik Oqartussat angusaq iluarisimaarpaat, aningaasat inuiaqatigiinni atugassarititaasut killeqarnerujussuat tassuunnakkut ersersinneqarmat. Tamanna 2012-imi isumaqatiginninniarnissani allani ersersinniarneqassaataaq. Isumaqatigiissutit sinaakkutaasa iluani ilaapputtaaq aaqqissuussinerit ilinniaqqinnissamut piginnaanngorsaqqinnissamullu kajumilersitsisussat, taamaasillutillu inuiaqatigiinni illinniarsimassutsip qaffassarnissaanut ikorfartuuttaasussat. Namminersorlutik Oqartussat Ilinniagartuut Kattuffiat (ASG) nersualaarniarpaa taamatut isumaqatigiissuteqarnermigut akisussaassuteqartumik isumaqatigiissuteqarmat.
Namminersorlutik Oqartussat, Imaneq 4, Postboks 1015, 3900 Nuuk, Oqarasuaat: (+299) 34 50 00, Fax: (299) 32 50 02, E-mail: info@nanoq.gl