Attaveqaatip Sermitsiami sisamanngornermi ulloq 29. december 2011 tusagassiorfinnut nalunaarutaa pillugu

Namminersorlutik Oqartussat Isumaqatigiinniartarfiata Attavqaatip sumi inunngorsimaneq pillugu oqaaseqarnera maluginiarpaa.

Tamanna tunngavigalugu Isumaqatigiinniartarfiup sumi inunngorsimaneq pillugu akissaasersuinerup Kalaallit Nunaanni Namminersornerullutik Oqartussanit 1989-imi aammalu atorfinitsitaanermut tunngasut allat pillugit sumi inunngorsimaneq tunngavigalugu akissaasersuinerup 1991-imi atorunnaarsinneqarsimanerat erseqqissaatigissalugu pissutissaqarsorivoq.

Ullumikkut Kalaallit Nunaanni isumaqatigiissutit sumit naggueqarneq apeqqutaatinnagu kikkunnut tamanut Kalaallit Nunaanni najugaqartunut assigiipput, ilinniarsimassuserlu aallaavigalugu akissaasersuineq ingerlanneqartarpoq.