Kommuuninut tapiissutissat piareerput

Aningaasaqarnermut Naalakkersuisoq Palle Christiansen aamma KANUKOKA-p siulittaasua Enok Sandgreen 2010-mi kommuninut ataatsimoortumik tapiissutissat pillugit isumaqatigiissummik ullumikkut atsiugaqarput. 2010-mi kommuninut ataatsimoortumik tapiissutit 789,3 mio. koruuniupput.

Naalakkersuisut aamma KANUKOKA ataatsimoorlutik aaqqissuussaanermut iluarsartuusseqqinnerup suliniutigineqarnerata ingerlaqqinnissaanut qilanaarput, tassanimi anguniakkat ilagimmassuk Namminersorlutik Oqartussat kommunillu akornanni suliassat tulluarnerpaamik agguataarneqarnissaat. Naalakkersuisut Inatsisartut 2010-mi upernaakkut ataatsimiinneranni kommunit pillugit nassuiaammik saqqummiussaqarniarput. Nassuiaatip aaqqissuussaanermut iluarsartuusseqqinnerup suliarineqarnerata ingerlaqqinnissaanut pingaaruteqarnissaa ilimagineqarpoq.

Tusagassiutitigut illua´tungeriillu ukiaq 2009 saqqummiuttagaasigut tusaaneqarsinnaavoq Naalakkersuisut KANUKOKA-llu 2010-mut Kommunit ataatsimoortumik tapiissutissaannut isumaqatigiissutissap anguniarnera ajornakusoorsimasoq. Inatsisartunit 2010-mut Aningaasanut inatsisissap akuerineqannginnerani isumaqatigiinnissaq anguneqanngitsoorpoq. Taamaammat isumaqatigiissut ullumikkut atsiorneqartup imarisaa Inatsisartut Aningaasanut Inatsit 2010 –mut atuuttumut erseqqissaaneruvoq.

Illua´tungeriit isumaqatigiinngissutigineruaat ataatsimoortumik tapiissutit 2010-miit 30 mio koruuninik appartinneqarnissaat. Illua´tungeriit akornanni isumaqatigiinngissutaasut isumaqatigiissummi atsiorneqartumi erseqqinnerusumik allaaserineqarput, taakkulu uani atuarneqarsinnaapput