- Uaniipputit:
- Saqqaa
- Naalakkersuisut
- Naalakkersuisoqarfiit
- Aningaasaqarnermut Naalakkersuisoqarfik
- Nutaarsiassat
- Aningaasaqarnermut Nunanullu allanut Naalakkersuisoqarfimmit nutaarsiassat
- Akileraartarnermut Aqutsisoqarfik pisortartaarpoq
Akileraartarnermut Aqutsisoqarfik pisortartaarpoq
Akileraartarnermut Aqutsisoqarfimmi pisortanngortussaq tassaassaaq 43-nik ukiulik Claus Stensgaard Jensen, cand. Oecon-itut ilinniagaqartoq.
Claus Stensgaard Jensen KANUKOKA-mi pisortap tulliatut massakkut atorfeqarpoq, siornatigullu Namminersornerullutik Oqartussani fuldmægtigitut allaffimmilu pisortatut atorfeqarnikuusimavoq. Danmarkimi kommunini ingerlatsinermi pisortatut aningaasaqarnermullu pisortatut aamma atorfeqartarsimavoq.
Claus Stensgaard Jensen Aaqqissuussaanermik iluarsaasseqqinnermut ataatsimiititaliap allattoqarfiani kingornalu kommunit tungaaniit Aaqqissuussaanermik iluarsaasseqqinnermut tunngassuteqartunik suliaqarsimavoq, akileraartarnikkut sullissinerup qitiusumit ingerlanneqalernissaannik ilaatigut aamma suliaqarluni.
Naliliisarnermut Ataatsimiititaliap isumaqatigiittup Claus Stensgaard Jensen Aqutsisoqarfimmi pisortanngortussatut innersuussutigaa. Atorfimmut qinnuteqarnissamut killiliussaasoq 21. april 2008 nallermat ataaseq qinnuteqarsimavoq.
Pisortap Kaare Hagemannip soraarninngornini pissutigalugu ukioq manna majip naanerani suliunnaartussaavoq. Tassunga atatillugu ikaarsaariarnissamik aaqqissuussisoqarpoq, Claus Stensgaard Jensen 19. maj 2008 atorfimmini sulilertussanngorlugu.Namminersorlutik Oqartussat, Imaneq 4, Postboks 1015, 3900 Nuuk, Oqarasuaat: (+299) 34 50 00, Fax: (299) 32 50 02, E-mail: info@nanoq.gl