AC-fuldmægtigi

Illuutinik Isumaginnittoqarfimmi Pisiniartarfimmilu suliassanik pisiniarnermut attuumassuteqartuunerusunik suliaqartartussamik suleqatissarsiorpugut

Suliassatit

Siusinnerusukkut pisiassat kiffartuussinerillu suugaluartulluunnit tamarmik Namminersornerullutik Oqartussat immikkoortortaqarfiini ataasiakkaani isumagineqartarput. Aningaasaqarnikkut allaffissornikkullu iluaqutaasinnaasunik angusaqarniarluni qitiusumit pisiniartalernissaq aalajangiunneqarpoq, tassanilu suliassaq tassaavoq annertuunik/amerlasuunik pisiniartarnermi isumaqatigiissutit tungaasigut isumaqatigiissusiortarnissaq, kiisalu ilaatigut isumaqatigiissutit pineqartut isumagisarnissaat.

Immikkoortortaqarfimmi suliassavit annerpaartai pisiniarnermut tunngaasuteqassapput, makkunanngalu ilaatigut suliaqassaatit:

• pisiortorfissanik suleqatissanillu isumaqatiginninniarnermi peqataaneq.
• iliuusissatut pilersaarusiornermi suliassaqarfiillu akimorlugit suleqatigiinnermi peqataaneq.
• Iliuuseqarfissanik iliuuseqarnissamullu periusissanik nassaarniarneq.
• aningaasaqarnermut atortorissaarutit atorlugit aningaasaqarnikkut misissueqqissaarnernik suliaqarneq.
• toqqaalluni suliarinnittussarsiuussinissanut isumaqatiginninniarnissanullu toqqammavissanik suliaqarneq.
• aqutsisunut, aqutsisoqarfinni pisortanut Naalakkersuisunullu aalajangiinissamut tunngavissianik suliaqarneq.
• Namminersornerullutik Oqartussat immikkoortortaqarfiinut tamanut attaveqarneq oqaloqateqartarnerlu.

Qulaani taaneqartut saniatigut suleqatigiissitani assigiinngitsuni peqataasassaatit.

Illit pillutit

Ilinniagartuujuvutit, inuiaqatigiit pillugit ilisimatuussutsikkut tunngasumik ilinniagaqarsimasoq, aningaasaqarnermut tunngasumik ilinniagaqarsimanissat atorfinnilu massumunnga assigusuni suliffeqareersimanissat iluassaaq, kisianni pingaarnerpaavoq Illuutinik Isumaginnittoqarfimmi sulinitsinni allannguerusussuseqarnissannik ajunngitsumillu ilapittuutaanissannik kajumissuseqarnissat pingaarnerpaapput.

Nammineerlutit sulisinnaassaatit suliffimmilu ullut ilaanni ulapaarfiulluartartumi nakkutigisassarpassuaqarlutit isumassarsianik timitalersueqataanissannik suleqataanissat kajumissuseqarfigissavat.

Neqeroorutigaavut

Pisiniartarfimmi sulineq pissanganarlunilu suliat tungaasigut unammillernartunik avatangiiseqarluni ineriartornissamullu periarfissagissaarluni nammineerlunilu ullormi sulianik sunniuteqarluarsinnaalluni ingerlasarpoq. Atorfik aatsaat inuttalerneqartussaammat atorfiup sunik imaqarnissaa sunniuteqaqataaffigisinnaavat.

Oqaloqatigeeriaaseq persuarsiortuunngilaq, suliffik ulluinnarni ulapaarfiugaluarluni qiimasunik sulisoqarpoq, suliffilli ulapaarfiugaluartoq sulinerup ilaqutariittullu inuunerup oqimaaqatigiittussaanerat ataqqineqarpoq.

Pisiniartarfik

Pisiniartarfik immikkoortortaqarfiuvoq pilersinneqaqqammersoq Aningaasaqarnermut Sulisunullu Aqutsisoqarfimmi Aningaasanut Nunanullu Allanut Naalakkersuisoqarfiup ataaniittoq. Namminersornerullutik Oqartussat aalajangersimapput pisiniartarneq Namminersornerullutik Oqartussat qitiusumik allaffeqarfianut inissinneqassasoq, taamaasilluni suliat taakkua aningaasaqarnikkut tunngasortai nakkutigineqarluarneruleqqullugit. Illuutinik Isumaginnittoqarfimmi Pisiniartarfimmilu pisiniartarnerup saniatigut kiffartuussinikkut suliassat allat Namminersornerullutik Oqartussat qitiusumik allaffeqarfiata immikkoortuini tamaniittut suliarineqartarput, taakkununnga ilaatigut ilanngullugit Namminersornerullutik Oqartussat Nuummi allaffissornermi illutaannik ingerlatsineq aserfallatsaaliinerlu, kiisalu sulisunut utaqqiisaagallartumik ineqartitsinermik allaffissornikkut sullissineq.

Pisiniartarfik ullumikkut immikkoortortamik aqutsisumik ilinniarnermullu atatillugu sungiusartumik inuttaqarpoq, immikkoortortallu sinnerani sulisut tallimaapput ataatsimillu allaffimmi pisortaqarluni.

Atorfinitsitaanermi atugassarititat

Kalaallit Nunaanni Naalakkersuisut kattuffiullu pineqartup akornanni isumaqatigiissutit atuuttut naapertorlugit atorfininnermi soraarnermilu pisattallu angallannissaannut akiliussisoqarsinnaavoq.

Atorfimmut atatillugu inissaqartitsisoqarsinnaavoq, malittarisassat qaqugukkulluunniit atuuttut naapertorlugit akilersorneqartumik, qularnaveeqquserneqartumik il. il., Nuummili inissaaleqineq pissutigalugu inissamik utaqqinissaq ilimagisariaqarpoq. Initaarnissarpit tungaanut utaqqiisaagallartumik ineqartinneqassaatit.