Pilersitsinermut siunertaavoq ilaqutariit perorsaanermik allatigulluunniit ilaqutariittut meeqqaminnut tunngatillugu ajornartorsiuteqartut siunnersorneqarnissaminillu pisariaqartitsisut immikkut periarfissinniarlugit. Tamatumuunakkut perorsaanermi nalornissutit ilaatigut sumiginnaanermik kinguneqartartut pinaveersaartinneqarsinnaammata, aammalu inuusuttut angajoqqaanngorlaanut siunnersorneqarnissamillu pisariaqartitsisut oqaloqateqarnissaminnut periarfissinniarlugit.
-
Oqarasuaatikkut siunnersuineq siunnersuisarfinnut pioreersunut tapertaassaaq.
-
Siunnersuiffimmi tassani suleqataassapput Inunnik Isumaginnermik Ilinniarsimassut, ilaqutariinnik katsorsaanermik sullissinermillu immikkut ilinniaqqissimasut.
Sapaatip akunneranut marloriarluni ammasassaaq:
Marlunngorneq nal. 19 - 21
Sisamanngorneq nal. 15 - 17
Oqarasuaat normoqarpoq: 31 41 51
Tassungalu sianersinnaapput:
Qanigisariinnut siunnersuiffik merartalinnut tamannut ammavoq, angajoqqaanngujaarsimasunut, angajoqqaanut kisimiittunut, angajoqqaanngorlaanut, arlaatigut nalorniffikkut perorsaarnermut tunngasunik siunnersortissinnaallutik.
Sianerneq akeqanngilaq aammalu sineriak tamakkerlugu siannerfigineqarsinnaassalluni.