Biskopip Allaffiani Kalaallit Nunaanni ilagiinni Danmarkimi innuttaasuni ilagiinni immikkoorluni biskopeqarfiusumi suliassat ilagiinnut tunngassuteqartut allaffissornikkut aqutsinermut tunngassu-teqartuunngitsut suliarineqartarput. Biskopi allaffimmi pisortaavoq, taassuumalu saniatigut sulisuupput fuldmægtigi ataaseq aamma allaffimmi fuldmægtigi ataaseq. Biskoppip Allaffianut assigiinngitsorpassuit saaffiginnissutigineqartarput palasinit, ajoqinit, ilagiinnit soqutigisaqaqatigiinnillu assigiinngitsunit. Biskopimut siunnersortitut sulianillu ingerlatsisutut fuldmægtigip suliassaanut ilaapput Biskopip Allaffianut aningaasanut inatsisissamut siunnersuusiorneq, aningaasaliissutinik aqutsineq, provstit akuttoqatigiiaamik ataatsimiitinneqarnerinut piareersaaneq, ukiorlu allortarlugu palasit kateruuttarnerisa pilersaarusiortarnerat. Allaffimmi sulisut ikittuinnaammata fuldmægtigip piareersimaffigisariaqarpaa sulianut aalajangersimasunut killissarititaasut aalajangiisuutinnagit ulluinnarni sulinermut peqataasarnissani.
Atorfik inuttalerniarneqarpoq inummik kristumiutut upperisarsiornerup silarsuaanik ilisimasalimmik aamma kristumiutut upperisarsiornermut ilageeqarnermullu tunngassuteqartunik soqutigisalimmik Kalaallit Nunaannilu pissutsinik ilisimasalimmik, kiisalu inuttut soorlu nammineersuseqarsin-naanermik, tamatigoortuunermik pissutsinillu malussarissuunermik piginnaneqartumik.
Akissarsiaqartittanermi atorfeqartitaanermilu pissutsit, taamatuttaaq pigisat nuunneqarsinnaatitaane-rat aamma atorfinikkiartorluni soraarnermilu angalasinnaatitaaneq piffissami atorfinitsitaaffimmi Naalakkersuisut pineqartullu kattuffiata isumaqatigiinniarsinnaatitaasup akornanni isumaqatigiissutit atuutut malillugit pissapput.
Inissaqartitsisoqarsinnaavoq maleruagassat atuuttut malillugit akilersorneqartussamik. Inissamilli innnersuussivigineqarnissamut sivisuumik utaqqisoqarnissaa naatsorsuutigineqartariaqarpoq, Nuummi inissaqarniarnikkut pissutsit ilungersunarnerannik pissuteqartumik.
