Aningaasaqarnermik aqutsisinnaavit?

Namminersornerullutik Oqartussat Kultureqarnermut, Ilinniartitaanermut, Ilisimatusarnermut Ilageeqarnermullu Aqutsisoqarfimmut AC-fuldmægtigimik/økonomimik aggustip ulluisa aallaqqaataanni isumaqatigiissuteqarnikkulluunniit atorfinittussamik pissarsiorput.

Suliassaqarfiit akisussaaffeqarfiillu

• Aqutsisoqarfiup aningaasanut inatsisilerineranut tunngatillugu suliassat pingaarnerit.
• Ulluni suliffiusuni nammineerlutit aningaasanut inatsisilerinissamut piareersaaneq ingerlaavartumillu suliaqarneq isumagalugulu ataqatigiissaassavat.
• Aqutsisoqarfimmut tassanilu sullissiveqarfinnut missingersuusiorneq missingersuutinillu malittarinninneq.
• Ilassutitut aningaasaliissutinik suliaqarneq, kiisalu Inatsisartut Aningaasaqarnermut Ataatsimiititaliaannut tusarniaanermut akissuteqaasiorneq.
• Aqutsisoqarfimmi suliaqarfinni suliniutinik nutaanik misissueqqissaarneq kingunerisassanillu naatsorsuineq.
• Aammalu siunertanut aalajangersimasunut suliassat tamalaat.

Aaqqissugaanikkut inissisimaffik

Atorfimmi Aningaasaqarnermut, Sulisoqarnermut Sullissinermullu allaffiup pisortaanut attaveqassaatit.

Pisinnaasat piginnaasallu

• Attuumassutilimmik kandidatitut ilinniarsimassaatit.
• Suliassanik pineqartunut assingusunik sulinermik misilittagaqassaatit aamma/imaluunniit soqutigisaqassaatit.
• Suliarpassuarnik nammineerlutit katiterisinnaassuseqarlutillu misilittagaqassaatit tamatumunngalu peqatigitillugu tamakkiisumik malinnaasinnaassallutit.
• Allattariarsornikkut oqaluttariarsornikkullu attaveqarsinnaalluarputit.
• Misissueqqissaarsinnaassuseqarputit politikikkullu suliffeqarfimmi sulinermik paasisimasaqarlutit.
• Suliumatuujuvutit, sapiissuseqarlutit, piumassuseqarlutit akisussaassuseqarlutillu.
• Aammattaaq kalaallit oqaasiinik kulturiannillu ilisimasaqarnissat iluaqutaassaaq. Nunanit allanit qinnuteqartut sungiusimasanit allaanerusunik kulturikkut atugaqarnissamut sulerusussuseqarnissamullu naleqqussarsinnaassusiat pingaartinneqassaaq.

Kultureqarnermut, Ilinniartitaanermut, Ilisimatusarnermut Ilageeqarnermullu Aqutsisoqarfik Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisoqarfimmi aqutsisoqarfiuvoq pilersinneqaqqammersoq, immikkoortortat tallimaapput Kultureqarnermut, Ilageeqarnermut, Ilisimatusarnermut, Ingerlaqqiffiusumik ilinniartitaanermut Inuussutissarsiutinullu Ilinniartitaanermut, inuussutissarsiutinut ilinniartitaanermut tunngasuni pikkorissartitsisarneq ilanngullugu, suliaqarfinnik isumagisaqarfiusut. Tamatuma saniatigut Aningaasaqarnermut, Sulisoqarnermut Sullissinermullu immikkoortortaqarpoq. Taamatuttaaq atuartitsinermi IT Ilinniartunillu siunnersuineq suliaqarfittut marluttut pilersinneqarput ilinniartitaanermut tunngasunik taaneqartunik isumaginniffiusut.

Akissarsiat atorfinitsitsinermilu atugassarititat, taakkununnga ilanngullugit atorfininnermut atatillugu angalanermut pisattallu nuunneqarnerinut akiliunneqarsinnaatitaanerit piffissami atorfiniffiusumi Naalakkersuisut kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinnut pingasunut taakkununnga tamanut aalajangersarneqassapput. Inissaqartinneqarsinnaavutit malittarisassat atuuttut malillugit akiliiffiusartussamik. Nuummi inissaaleqineq pissutigalugu inissamik innersuunneqarnissamut utaqqinissaq naatsorsuutigisariaqarpoq. Inissiamik ataavartumik inissamik innersuussisoqarnissaata tungaanut utaqqiisaasumik inissaqartitsisoqassaaq.