AC-Fuldmægtigi

Inuussutissarsiornermut Suliffeqarnermullu Naalakkersuisoqarfik AC-fuldmægtigimik nalinginnaasumik naalakkersuinikkut ineriartornermut misissueqqissaarnermullu naalakkersuisoqarfimmi 1. januar 2009-miit imaluunniit isumaqatigiissuteqarnikkut atorfinittussamik pissarsiorpoq.

Inuussutissarsiornermut Suliffeqarnermullu Naalakkersuisoqarfiup pingaarnertut suliassaraa, Inuussutissarsiutit siuarsarneqarnerannut, takornariaqarnermut suliffeqarnermullu politikki ataqatigiissoq inuiaqatigiit avatangiisaasut pisariaqartitaannut soqutigisaannullu naleqquttumik ineriartortinnerannut, oqaasertaliornermut piviusunngortitsinermullu tunngaviusumik aalajangiinissamut isumannaatsumik Naalakkersuisut qulakkeeriffigissallugit.

Suliassat ilaatigut makkuupput

Politikkerinik sullissineq isumaginninnerlu, matumani ilanngullugit isummernissamut tunngavissiat, siunnersuutit, oqalugiaatit allallu inatsisartut ataatsimiinnerannut, aaqqissuussinernut, ataatsimiinniernut il.il. ineriartortinneri suliarinerilu

Inuussutissarsiornermut suliffeqarnermullu naalakkersuinikkut isummernerit pilersaarutillu immikkoortunut politikkimut immikkoortunullu allanut tunngatillugit naleqqussarneri sunniuteqarluartumik ataqatigiissaarneri qulakkiissallugit

Suliassaqarfiit akimorlugit suleqatigiissitanut peqataaneq.

Inuussutissarsiutinut piginnaatitaanerullu ineriartortinneranut siunnersuisoqatigiinnut (EKUR) allattoqarfitut atuutissalluni.

Piukkunnaatinut piginnaassutsinullu kissaatigineqartut

Naleqquttumik kandidatitut ilinniagaqartutit, inuiaqatigiilerinermik ilisimatusarnerusinnaavoq.

Inuussutissarsiutit siuarsarneqarnerannik suliffeqarnermullu politikkimik misilittagaqartutit aamma/imaluunniit soqutigisaqartutit

Misissueqqissaarnermut piginnaaneqartutit

Naalakkersuinikkut aaqqissuussaasumi sulinermut piginnaasaqartutit paasinnissuseqarlutillu.

Allakkatigut oqaluinnarnikkullu oqaasertalersuinermut attaveqarnermullu piginnaaneqarluartutit

Namminersorlutit sulisinnaasutit peqatigitillugu suleqatigiinnut ilaasinnaasutit.

Pitsaaqutaassaaq, kaalaallit oqaasiinut kulturiannullu ilisimasaqaruit. Qinnuteqartunut nunanit allaneersunut naleqqussarsinnaaneq sulerusussuseqarnerlu sungiusimasanit allaanerusumik kulturikkut piumasaqaataasunut inooqataasinnaaneq pingaartinneqassaaq.

Aaqqissuussaanermi inissisimaneq

Atorfik Inuussutissarsiutinut Suliffeqarnermullu Naalakkersuisoqarfiup ataani naalakkersuisoqarfimmi inuttalerneqassaaq pisortap tullianut attaveqarfeqarluni.

Naalakkersuisoqarfimmi sulineq annermik pilersaarutitigut aaqqissuunneqassaaq pilersaarutinut ataasiakkaanut pisortanut akisussaaneq iliuuseqarsinnaanermilu annertooq tunniunneqassaaq.

Atorfigisassannut suliassanik nassuiaatip aalajaangersimasumik ilusilernissaa erseqqarinnerusumik isumaqatigiissutigissavarput. Atorfimmut atatillugu piffissap ilaatigut angalasarnissaq naatsorsuutigineqassaaq.

Atorfinitsittaaninnut atugassarititaasut

Akissarsiat atorfeqartitaanermilu atugassarititaasut, tassunga ilanngullugit atorfinikkiartornermi atorfeqarunnaarnermilu akiliunneqarluni angalasinnaatitaanerit pisattallu nuunneqarneri Kalaallit Nunaanni Naalakkersuisut pineqartullu kattuffiata isumaqatiginninniarsinnaatitaasup akornanni isumaqatigiissut atorfininnerup nalaani atuuttoq naapertorlugu pissapput. Inissaqartitsisoqarsinnaavoq, malittarisassat atuuttut malillugit akilersorneqartussamik.

Erseqqissaatigineqassaaq, naalagaaffimmi tjenestemandit aamma AC-mi isumaqatigiissutit arlallit, ilaatigut DJØF-mik Finansministeriallu akornanni isumaqatigiissutit, naapertorlugit atorfillit Namminersornerullutik Oqartussani atorfeqarnermut atatillugu akissarsiaqaratik sulinngiffeqarsinnaatitaammata.

Qinnuteqaat kingusinnerpaamik Naalakkersuisoqarfimmeeriissaaq pingasunngorneq ull. 3. december 2008.