Aaqa sulisussaminik pissarsiorpoq

Aaqa pissarsiorpoq:

• Sivisunerusumik sungiusarfimmut perorsaasut sisamat, sundhedsassistent ataaseq
• Sivikinnerusumik sungiusarfimmut immikkoortortami aqutsisoq, perorsaasullu marluk
• Paaqqutarisariaqartut immikkoortortaqarfiannut perorsaasoq ataaseq
• Akuitsunut perorsaasut marluk
• Alloriarfimmut perorsaasut marluk

Sungiusarfik Aaqa tassaavoq Nuna tamakkerlugu ulloq unnuarlu tarnimikkut napparsimasunik najugaqarfik, tallimanik immikkoortortaqarpoq.

• Sivisunerusumik sungiusarfik tassaavoq: inunnut tarnimikkut napparsimasunut ukiut marluk tikillugit najugaqarfiusoq.
• Sivikinnerusumik sungiusarfik tassaavoq: malinnaavigineqarluni aammalu piukkunnarsarfiusoq najugaqarfik.
• Paaqqutarisariaqartunut najugaqarfik tassaavoq: pineqaatissinneqarsimasunut aammalu Paaqqutarisariaqalersimasunut tarnimikkut napparsimasunut najugaqarfik.
• Immikkoortortaq najugaqatigiiffik Akuitsut tassaavoq: Prader Willi Syndromeqartunut immikkoortortaqarfik.
• Sannavik Alloriarfik tassaavoq: Sungiusarfik Aaqa-mi najualinnut Nuup ilaatigullu kommuneaneersunut sullivik.

Naatsorsuutigaarput:

• Perorsaasutut ilinniagaqarsimanissat/ sundhedsaassistent-itut
• Tarnimikkut napparsimasunik sullissinissamik piumassuseqarluartutit
• Ulluinnarni suliassanut unammillernartunut akisussaassutsimillu tigusinissamik piumassuseqarluartutit
• Suleqatikkuminartuusutit
• Qiimasuusutit

Neqeroorutigisinnaavagut:

• Suliffik ineriartortoq
• sulisumut ineriartuutaasussamik oqaloqatiginnittarneq, pikkorissarnerit

Perorsaanikkut suliassat naliginnaasut saniatigut suliassarai immikkoortortaqarfimmi suleqataaneq, allaffeqarfiit ineqartumut sullissinermi attuumassutillit qanimut suleqatiginissai, aammalu ineqartumut/nut attaveqaataaneq. Pingaaruteqartorujussuuvoq ersarissuunissat eqaatsumillu suleriaaseqartuunissat aammalu imminut tatigisuunissat.

Ulluinnarni nikeratumik sulisassaatit sapaatillu akunnerisa naaneranni allorlugit sulisassaatit.

Atorfimmut atatillugu ataasiakkaanik inissaqartitsisoqassaaq Nuummili inissaaleqineq pissutigalugu utaqqinarsinnaalluni.

Atorfik PIP isumaqatigiissutaai malillugit akissaasersorneqassaaq.

Qinnuteqarfissap ullua kingulleq tassaavoq 15/12 2008, atorfinitsitinissaq pissaaq 1.Februar 2009 imaluunniit isumaqatigiissuteqarnikkut.