Nalunaarasuartaateqarnermi aqutsisut

Tusagassiorfinnut nalunaarut – Nalunaarasuartaateqarnermi aqutsisut ullumikkut Kalaallit Nunaanni nalunaarasuartaateqarnikkut kisitsit atorlugit nalunaarsuusianik siullermeerutinik naqitertitsipput

ADSL-inik atuineq 2009-p affaata siulliup ingerlanerani 31%-inik qaffariarpoq

Nalunaarasuartaateqarnikkut kisitsit atorlugit nalunaarsuusiap ilaatigut takutippaa ADSL-inik atuineq 2009-p affaata siulliup ingerlanerani 11.162-iniit 12.011-nngorsimasut, t.i. qaffariaat 7,6%-iulluni, tamatumalu ersersippaa qarasaasiaq atorlugu attaveqaatit sukkanerusut atorneqaleriartuinnartut. ADSL-inik atuineq 31%-inik qaffariarpoq. Qarasaasiat aqqutaannik atuinerup qaffariaatai ADSL-it aqqutaannit amerlanerummata paasineqarsinnaalerpoq piffissami atuineq nalinginnaasumik qaffariartorsimasoq. Kisitsisit atorlugit nalunaarsuusiattaaq takutippaat internettikkut attaveqaatinik sukkanerusunik annertunerusumillu illoqarfinni annerusuni atuineq tupinnartumik eqqumiitsumilluunniit. Illoqarfiit annerit arfinillit eqqaassanngikkaanni illoqarfinni allani nunaqarfinnilu qaffariaatit 27%-iusimapput. Internettikkut attaveqaatinik sukkanerusunik atuinerup siunissamut takutitaa tassaavoq Kalaallit Nunaat paasissutissarpassuarnik katersuisartunik innuttaqarluni nunarsuarmi ineriartorfeqarfiit allat ilagilluinnaleriartorai, ineriartornerullu tamatuma pitsaaqutai atorluarneqarsinnaasussaassasut. Tamatumunnga peqatigitillugu internettikkut attaveqaatit pisortat innutaasullu akornanni attaveqatigiinnermik nukittorssaasussaartaaq inuussutissarsiornikkullu ingerlanermi nunanut allanut unammillerneq pitsaanerusumik inissisimalersissallugu.

Kalaallit Nunaanni nalunaarasuartaateqarnikkut niuernermi ineriartorfittut ingerlaarfiisut malunniuttut taakku allallu Nalunaarasuartaateqarnermi aqutsisut nalunaarasuartaateqarnikkut kisitsit atorlugit 2009-p affaanut siullermut tamanut nalunaarsuusiaanni erserpoq. Allaaserisaq www.nanoq.gl –imi atuaruk (Suliffeqarnermut Inuussutissarsiornermullu Naalakkersuisoqarfiup nittartagaani – Siunnersuisoqatigiinnut Aalajangiisartunullu Aqutsisoqarfik – Nalunaarasuartaateqarnermi aqutsisut). Una tooruk