Ujarassiorit 2011-imi kuulti misissugassatut tiguneqarsimasoq Tunumeersoq ajugaassutaavoq

Tusagassiuutinut nalunaarut tamakkiisoq takuuk.

Akissarsiassat katillugit 120.000 koruunit akileraaruteqaataasussaanngitsut agguaanneqarput: Ajugaasoq 55.000 koruuninik, ajugaasup tullia 25.000 koruuninik, ajugaasuni 3-inngortut marluk tamarmik immikkut 10.000 koruuninik aammalu ajugaasuni 4-anngortut sisamat tamarmik immikkut 5.000 koruuninik. Ajugaasut aningaasaateqarfinnit ingerlatseqatigiiffinnellu makkunannga akissarsitinneqassapput:

Pingaarnertut aningaasaliisut pingasut GrønlandsBankip Inuussutissarsiornermut Aningaasaateqarfia, NunaMinerals A/S aamma QuadraFNX Mining Ltd., tamarmik immikkut akissarsiassanut ataatsimoortunut 40.000 koruuninik tapersiipput.

Akissarsiassanut ataatsimoortunut Greenland Mining Services A/S aamma Avannaa Resources Ltd. tamarmik immikkut 10.000 koruuninik annertussusilinnik marlunnik (20.000 kr.), aammalu Grontmij A/S, Ram Resources Ltd., North Atlantic Mining Associates Ltd. aamma Czech Geological Research Group tamarmik immikkut 10.000 koruuninik tapersiipput.

Ajugaasoq akileraaruteqaataasussaanngitsunik 55.000 koruuninik akissarsitinneqartoq tassaavoq William Umerineq Kuumiuneersoq. Misissugassaq tiguneqarsimasoq tassaavoq grafit-granat-gnejs annertuumik kuultitaqarlunilu (11,1 g/t) saviminissartaqartoq (18,2 %). Misissugassaq tiguneqartoq Sermilimmi, Tiniteqilaap avannaata kitaani nassaarineqarsimavoq.

Ilusiliaq 1. Assilissami ujaraq ajugaassutigineqartoq takuneqarsinnaavoq.

Ajugaasup tulliatut akileraaruteqaataasussaanngitsunik 25.000 koruuninik aningaasartaqartoq Karoline Oline Poulsen-imut Aappilattumeersumut tunniunneqarpoq, taannalu ujaqqamik kvarts-biotit-granat-pyrit-allanngoriartorfianit annertuumik kuultitaqartumik (1,4 g/t) nassiussisimavoq. Misissugassaq tiguneqartoq Aappilattup kangiani sissami nassaarineqarsimavoq.

Ajugaasuni 3-nngortut marluk tamarmik immikkut akileraaruteqaataasussaanngitsunik 10.000 koruuninik akissarsitinneqarput:

Ø Kanngussak-nikkili sulfid-ip saffiugassartaa ujaqqami mafisk-iusumi annertuumik kanngussammik nikkilimillu akoqartoq (1650 g/t kanngussak aamma 1460 g/t nikkeli) kiisalu annertuumik saviminissartaqartoq (22 %). Misissugassatut nassiunneqartoq Aappilattup avannamut kangiani kangerlummeersuuvoq aammalu Appollus Poulsen-imit Aappilattumeersumit nassaarineqarsimalluni.

Ø Misissugassatut nassiunneqartut marluk annertuumik molybdænitaqartut (>10.000 g/t aamma 4850 g/t) Kullorsuup avannaani Niaqorsuup Saarlianeersut Jens Martin Jensen-imit Kullorsuarmeersumit nassaarineqartut ajugaasuni 3-nngorlutik akissarsissutigineqarput. Misissugassat tiguneqartut sumiiffimmi siusinnerusukkut (2009-imit) misissugassanut tiguneqartunut akissarsitinneqarsimasunut naleqqiullugit ilassutaasunik paasissutissiipput. Misissugassatut tiguneqartut aamma annertuumik kanngussattaqarput platin-initaqarlutillu (1780 g/t tikillugu kanngussak aamma 0,09 g/t platin).

4-inngortut sisamat tamarmik immikkut akileraaruteqaataasussaanngitsunik 5.000 koruuninik akissarsitinneqarput:

Ø Kanngussak-molybdæn sulfid-ip saffiugassartaa gnejs-imiittoq 6650 g/t kanngussammik aamma 802 g/t molybdæn-imik akoqartoq. Misissugassatut tiguneqartoq Attup kujataani Nassuttuumeersuuvoq aammalu Laura Jensen-imit Narsameersumit nassaarineqarsimalluni.

Ø Kvartsåre granit-imi pyrit-inngoriartornertaqartoq 1,1 g/t-imik kuultitaqartoq. Misissugassatut tiguneqartoq Qaarsut eqqaanni Niels T. Lynge-mit Qaarsunersumit nassaarineqarpoq.

Ø Kimberlit Kangerlussuup aamma Sisimiut akornanni Itillip eqqaani kimberlit-eqarfimmi sumiiffimmi nutaameersoq. Nassaartoq tassaavoq Marie Madsigne Dahl Bech, Itillimeersoq.

Ø Apatit-krystal-it annertuumik yttrium-itaqartut (100 g/t) pasinarsisippaat sumiiffimmit tassannga alkalint-inik ilisimaneqanngitsunik avatangiisiniittoqartoq. Misissugassaq tiguneqartoq Nunatarsuarmi, Amdrup Ø, Upernaviup kangianeersuuvoq, nassaartorlu tassaavoq Ane Amalie Jensen Kullorsuarmiit.

Ujarassiorit, nuna tamakkerlugu ujarassiornermik nuannarisalinnik ujarassiortitsineq, ukiut 20-it sinnerlugit maannakkut ingerlareerpoq. Allakkerivinnit tamaginnit inuit ujaqqanik misissugassanik pinngortitami nassaarisimasaminnik ujarassiuunit misissoqqissaarneqartussanngorlugit aqqutaa akeqanngitsumik nassiussisinnaapput. Ujarassiorit pillugu paasissutissat annertunerusut nittartakkami uani takuneqarsinnaapput: www.ujarassiorit.gl

Ujarassiorit Namminersorlutik Oqartussani Aatsitassanut Ikummatissanullu Pisortaqarfimmit ingerlanneqarpoq aningaasalersorneqarlunilu, www.bmp.gl

Ilusiliaq 2. Misissugassatut tigusat akissarsissutigineqartut sumiiffiinut nunap assinga.

Ujarassiorit aammalu ujarassiorneq pillugu paasissutissanut tunngatillugu ujarassiuut pisortaat Henrik Stendal innersuussutigineqarpoq.

Paasissutissanut annertunerusunut tunngatillugu pisortaq Jørn Skov Nielsen innersuussutigineqarpoq.