Qimuttut qimuttutut atugassaapput – ajunngitsumillu pineqartussaallutik

Nunap ilaani qimmeqarfimmi Avannaani Tunumilu 21.000-it sinnerlugit qimmeqartumi qimmeqartunut ataasiakkaanut qimmit atugarissaarnissaannut akisussaaffiusoq annertoorujussuuvoq, tassami Namminersorlutik oqartussat uumasunut nakorsaqarfianiit nakkutilliineq taamaallaat annikitsumik ingerlanneqarsinnaammat.

Kalaallit qimuttuat piniartut kulturiata ilagigaa oqaluttuarisaanermi piviusuuvoq taamaat-tumillu qimmeq kalaallit nunaata pinngortitaani uumasussatut ineriartorsimalluni. Piumasaasutullu piviusuuvoq qimuttup ajunngitsumik pineqarluni uumanissaa, ullullu tamaasa nerisassaqarnissaa imigassaqarlunilu, silap anorillu allanngorarneranut oqquiffigiartorfissaanik illuaqqamik oqquiffissaqarnissaa. Tamanna kalaallit inatsisaanni al-laaserineqarpoq. Uani aamma allassimavoq paarsinerluinerit inerteqqutaasut soorlu persuttaanerit, allunaasamik nivinngaanerit imaluunniit qimmit nappaaluppata uumasut nakorsaat attaviginngitsuuinerit.

Qimminik piginnittup qimmeqarnermigut akisussaaffik annertooq tigummivaa, aammali inuiaqatigiit sinnerinuttaaq takornarianullu allaat. Qimminut saluppallaanut imaluunniit qimuttunut kalunnernik uiguleriiaakkanut ilattoorsimasunut suliassanngortitap ataatsip Kalaallit Nunaata nunani allani tusaamaneqarnera innarlersinnaavaa.

-Kommunit kajumissaarpakka qimminut malittarisassaq akuerequllugu, soorlu inatsise-qarnermi allassimasoq. Kommuunit qimuttunik nakkutilliissallutik suliassaqarput ilaatigut illoqarfinni nunaqarfinnilu ataasiakkaani qimminut inspektørinik toqqaaneq ilinniartitsinerlu aqqutigalugit, tamanna suliassaq ilumoorullugu tigusariaqarpoq, Ove Karl Berthelsen, taama oqarpoq ilanngullugulu, Namminersorlutik Oqartussat uumasunut nakorsatut atorfeqartui ikeqimmata kommuunit ikiortiginissaat ungaqqunneqarsinnaanngimmat. Siunnersuineq atortussallu atugassat neqeroorutigineqarput kiisalu uumasut nakorsaat aggersarlugit oqalugiartinnissaannut periarfissaqarpoq, taama naggasiivoq Ove Karl Berthelsen.

Ilanngunneqassaaq Inatsisartut 2010-mi upernaaru katersuutilerunik ilaatigut qimmit ki-gutaannik kipisisanernut inerteqqummik qimuttut pilllugit inatsisaasumut allannguutissaq suliarissammassuk.

Qimuttoqatigiinnut siunnersuutit ilitsersuutillu ugguuna aaneqarsinnaapput:
http://www.nanoq.gl/Emner/Erhverv/Erhvervsomraader/Slaedehunde.aspx