SUSASSAQARFIIT:
Naalakkersuisoqarfik Inuussutissarsiornermut Suliffeqarnermullu politikki.
Inuussutissarsiornermut tunngasut takornariaqarnermut aamma sermeq imerlu avammut tuniniaanissamik inuussutissarsiutinik siuarsaaneq. Kusanartulianik inuussutissarsiummillu ingerlatsinermi inatsisit, nutaaliorneq, uumassusilinnik pissamaatit, avammut nioqqutissanik akuersissutit inuussutissarsiutinik takornariartitsinermullu aningaasalersuinermik tapersiissutit.
Suliffeqarnermut tunngasut Piareersarfiit, nuttarnerulersitsiniarnermi aningaasaliissutit, piginnaanngorsaaqqinneq, suliffimmi isumannaallisaanikkut inatsiseqarneq, sulisilluni ajutoornermik ataatsimoorlunilu sillimasiinermut aaqqissuussinerit.
Kalaallit Nunaanni inuussutissalerineq pillugu oqartussaaffik Namminersornerullutik Oqartussat Qallunaat Nunaannilu Ministeriet for Fødevarer, Landbrug og Fiskerip akornanni avinneqarnikuuvoq. Tamatumunnga peqqutaavoq, peqqinnissaqarfiup akisussaaffigineqarnera Namminersornerullutik Oqartussanit 1992-imi tiguneqarmat taamaalillunilu aamma peqqinnissaqarfiup iluani suliassat, Sundhedsministeriaqarfiup ataaniissimagaluartut aamma akisussaaffigineqalerlutik. Immikkoortortalli 1992-imi Nunalerinermut Aalisarnermullu Ministeriaqarfiup ataaniittut, Namminersornerullutik Oqartussanit tiguneqanngillat. Immikkoortortat taakkua ullumikkut Inuussutissalerinermut, Nunalerinermut Aalisarnermullu Ministeriaqarfiup ataaniilernikuupput.
Isumalioqatigiisitat ataatsimiititalianullu aqutsisoqarfik Kalaallit Nunaanni Inuussutissarsiornermut Siunnersuisoqatigiit allattoqarnikkut sullinneqarnissaat. Sulitilluni ajoqusernermi Aqutsisoqarfik , Unammilleqatigiinnermut Ataatsimiititaliaq, Atuisartut siunnersuisoqatigiiffiat aamma atuisartut pillugit naalakkersuinikkut ingerlatsineq, Isumaginninnermut naammagittaalliortarfik, ineqarnermut tunngasunik maalaartarfik, Avatangiisit pillugit naammagittaalliutinut ataatsimiititaliaq. Nalunaarasuartaatitigut attaveqartarneq aamma radioqarnermik ingerlatsivik.