Inuussutissarsiummik Ingerlataqartunik Nalunaarsuiffik Kalaallit Nunaanni suliffeqarfinnut suliffinnullu tamanut paasissutissanik nalunaarsuiffiuvoq qitiusoq. Taamaattumik suliffeqarfiit tamarmik ingerlatsivillit, pisortat pigisaat namminersortullu, nalunaartussaapput. Tassa imaappoq:
-
Inuussutissarsiorlutik namminersortut tamarmik
-
Suliffeqarfiit tamarmik (ingerlatseriaaseq apeqqutaatinnagu)
-
Nunat allamiut suliffeqarfii Kalaallit Nunaanni ingerlataqartut tamarmik
-
Namminersornerullutik Oqartussat ingerlatsivii tamarmik
-
Kommunit ingerlatsivii tamarmik
-
Pisortat suliffeqarfii tamarmik
- Peqatigiiffiit suleqatigiiffiillu ilai
Ingerlatsiviit IIN-imi qanoq nalunaarsorneqarsimaneri (pdf) pillugit atuaruk.
Nalunaarniarluni immersugassiani immikkoortunut ataasiakkaanut ilitsersuutit uani nassaarisinnaavatit: Suliffeqarfiup immersugassaa pillugu ilitsersuut (pdf) aamma Ingerlatsiviup immersugassaa pillugu ilitsersuut (pdf).