Nalunaarniarluni immersugassiaq Kalaallit Nunaanni suliffeqarfinnit pisortanit pigineqartunit naamminersortunillu, inuussutissarsiortunit namminersortunit kiisalu nunat allamiut suliffeqarfiutaannit Kalaallit Nunaanni ingerlataqartunit arlalinnik ingerlatsiveqartunit taamaallaat immersorneqartussaavoq.
Suliffeqarfinnut suliffinnullu nalunaarniarluni immersugassiaq (pdf) pissarsiariniarlugu una tooruk. Immersugassiaq nammineq anillatsissinnaavat aamma assaannarmik skrivemaskinaluunniit atorlugu immersorlugu.
Immersugassiap immersornissaanut ikiortinnissaq uani nassaarisinnaavat nalinginnaasumik ilitsersuut imaluunniit Suliffeqarfiit nalunaarniarlutik immersugassiaani immikkoortunut ataasiakkaanut ilitsersuut (pdf).
Immersugassiaq immersorneqarsimasoq allakkatigut nalinginnaasutigut uunga nassiunneqassaaq:
Akileraartarnermut Aqutsisoqarfik, Postboks 1605, 3900 Nuuk imaluuniit e-mailikkut ger@nanoq.gl imaluunniit uunga faxikkut nassiunneqassalluni 34 65 77.