Inuussutissarsiummik Ingerlataqartunik Nalunaarsuiffimmut nalunaarnermi suliffeqarfiit ingerlatsiviillu ilaatigut suliffeqarfiup/ingerlatsiviup ingerlatai allaaserissavai ilaatigullu ingerlatat pingaarnerit suliaqarfiit suut iluanniinnersut krydsiliinikkut nalunaassallugit.
Suliffeqarfimmi ingerlataq pingaarneq tassaavoq nalimik annertunerpaamik pilersitsisoq. Nalip annertusinerata assigaa tamakkiisumik iluanaarutit sulinermi akissarsiat ilanngaatigalugit. Suliffeqarfiup ingerlataani nalip annertusinera ilisimaneqanngippat ingerlatat pingaarnerpaat nassaariniarlugit kaaviiaartitat atorneqassapput (annertunerpaamik kaaviiaartitat = ingerlatat pingaarnerpaat). Suliffeqarfiup ingerlataani ataasiakkaani kaaviiaartitat ilisimaneqanngippata ingerlatat pingaarnerpaat nassaariniarlugit sulisut amerlassusii atorneqassapput (sulisut amerlanerpaat = ingerlatat pingaarnerpaat).
Suliffeqarfimmi pingaarnertut ingerlatat allaaserineqarneri sapinngisamik eqqorluartuussapput. Inuussutissarsiutitigut ingerlatat assigiinngitsut eqqorluangitsumik (naammanngitsumik) aamma eqqorluartumik allaaserineqarnerinik assersuutit uku misissornerisigut ikiorserneqarsinnaavutit:
|
Eqqorluanngitsumik allaaserinninneq: |
Eqqorluartumik allaaserinninneq: |
|
"piniarneq" |
"puisinik piniarneq" |
|
"aalisarneq" |
"ukiup ilaani umiatsiaaqqamiit aalisarneq" |
|
"nunalerineq" |
"savaateqarneq" |
|
"inuussutissanik tunisassiorneq" |
"nerisassianik naammassisanik tunisassiorneq" |
|
"annoraaminernik atortussiorneq" |
"arnanut jakkinik qarlinnillu sanaartorneq" |
|
"saviminermik saffiugassanillu sanaartorneq" |
"paarnaarsaatinik aamma saviminernik qalequtinik sanaartorneq" |
|
"sanaartorneq" |
"sannaveqarneq" |
|
"biililerineq" |
"biilinik saffiorfik" |
|
"maskiinanik niuerneq" |
"allaffimmi maskiinanik niuerneq" |
|
"siunnersorti" |
"avammut paasissutissanik attaveqarnermullu tunngasunik siunnersorti" |
|
"sulissussineq" |
"angerlarsimafimmi sulissussineq" |
Annertunerusumik killiliinissaq isumannaarniarlugu suliffeqarfiup aamma/imaluunniit ingerlatsivimmut atasumut pingaarnertut suliaqarfik aamma krydsilerneqassaaq. Pingaarpoq suliffeqarfimmut ataatsimut aamma ingerlatsivimmut ataatsimut immersugassap taamaallaat ataatsip krydsilerneqarnissaa. Pingaarnertut suliaqarfiit nalaanni najoqqutassiisumik assersuutissaqarpoq pingaarnertut suliaqarfiup ataani inuussutissarsiutit sorliit ilaanersut. Suliffeqarfiup pingaarnertut suliaqarfittut ingerlataqarfia krydsilerneqassaaq.
Akileraartarnermut Aqutsisoqarfik suliaqarfimmik ilisarnaasersuinermut akisussaasuuvoq. Nalornissutaasinnaasut ger@nanoq.gl imaluunniit allakkatigut nalinginnaasutigut Postboks 1605, 3900 Nuuk imaluunniit faxikkut 346577 aqqutigalugit Akileraartarnermut Aqutsisoqarfimmut saaffiginnissutigineqarsinnaapput.