Inuussutissarsiummik Ingerlataqartunik Nalunaarsuiffiup pilersinneqarnerata peqatigisaanik kalaallit nunaanni suliaqarfiit pillugit nalunaarsuiffik suliarineqarpoq. Suliaqarfiit pillugit nalunaarsuiffik suliffeqarfiit isumaqartumik nalunaarsornissaannut tunngaviuvoq.
Suliaqarfinnik ilisarnaasersuineq pillugu nunani tamalaani malittarisassat tunngavigalugit kalaallit nunaanni suliaqarfiit pillugit nalunaarsuiffiup atulersinnera isumaqarpoq nunat tamalaat assigalugit isumalimmik assersuussisoqarsinnaanngortoq. Kalaallit nunaanni suliaqarfiit pillugit nalunaarsuiffik aamma imatut aaqqissugaavoq kalaallit nunaanni inuussutissarsiutit aaqqissugaaneranni allannguinerit ajornartorsiutitaqanngitsumik suliaqarfiit pillugit nalunaarsuiffimmut ilannguneqarsinnaallutik.
GB2000-mi tunngavigineqartut pillugit annertunerusumik ilisimasaqarusukkuit una tooruk (pdf). GB2000-mi suliaqarfinnut ilisarnaatit allattorsimaffia tamakkiisoq uani nassaarisinnaavat.
Kalaallit nunaanni suliaqarfiit pillugit nalunaarsuiffik GB2000 naqinnerit (A-Q) aamma kisitsisit arfinillit atorlugit suliarineqarsimavoq. Tabellip takutippaa suliaqarfiit ilisarnaataat A 01.25.91 qanoq paasineqassanersoq.
|
A Nunalerineq, piniarneq orpippassualerinerlu |
Naqinneq pingaarnertut immikkoortumut innersuussivoq |
|
01 Nunalerineq, piniarneq il.il. |
Kisisitsit marluk atorlugit immikkoortiterinermi immikkoortumi pingaarnermi sumiinneq takutippaa |
|
01.2 Uumasoqarneq. |
Kisisitsit pingasut atorlugit immikkoortiterinermi immikkoortumi sumiinneq takutippaa |
|
01.25 Allanik uumasuuteqarneq. |
Kisisitsit sisamat atorlugit immikkoortiterinermi immikkuualuttuni sumiinneq takutippaa |
|
01.25.91 Nujuartanik uumasuuteqarneq ilanngullugu tuttuuteqarneq. |
Kisitsit nr. 91 atorlugu kisisitsisinik arfinilinnik immikkoortiterinermi kalaallinit ilanngussaq takutinneqarpoq |
GB2000-mi immikkoortiterineq pillugu uani atuarsinnaavutit (pdf).