IIN (GER)

Inuussutissarsiummik Ingerlataqartunik Nalunaarsuiffik IIN tassaavoq Kalaallit Nunaanni suliffeqarfinnut tamanut qitiusumik nalunaarsuiffik, Inuussutissarsiummik Ingerlataqartunik Nalunaarsuiffik pillugu inatsisartut inatsisaat 29. oktober 1999-imeersoq naapertorlugu pilersinneqarsimasoq. Nalunaarsuiffimmiipput kalaallit nunaanni suliffeqarfiit namminersortut pisortallu pigisaat tamarmik pillugit aamma suliffeqarfiit ingerlatsivii (suliffii) pillugit paasissutissat tunngaviusut.

 

IIN-imut pingasutigut isertoqarsinnaavoq.

 

1 > Suliffeqarfiit suliffiilluunniit Inuussutissarsiummik Ingerlataqartunik Nalunaarsuiffimmut illit nalunaarutigisinnaavat. IIN-imut nalunaareersimaguit, illilli paasissutissaatinni allannguisoqarsimalluni assersuutigalugu najugaqarfik nutaanngorsimalluni, taava Akileraarnermik Pisortaqarfik attavigissavat. Attaveqarnissamut paasissutissat uani quppernerup talerpiup tungaaniittut nassaarisinnaavatit.

 

2 > Suliffeqarfik aalajangersimasoq imaluunniit suliffeqarfiit ilaannik ujarleruit, taava ujarlerfik aqqutigalugu taakku nassaarisinnaavatit. Suliffeqarfik imaluunniit suliffeqarfiit ujakkatit nassaarigukkit ujarlernermi angusatit sulininni atoqqinneqarsinnaasunngorlugit excelimi filitut toqqorsinnaavatit.

 

3 > Inuussutissarsiummik Ingerlataqartunik Nalunaarsuiffiup inatsisitigut tunngavik pillugu, nassuiaatit atorneqartut, paasissutissani imarineqartut suliaqarfiillu ilisarnaataat pillugit annertunerusumik atuagaqarsinnaavutit.

 

Quppernermi allagaaterpassuit ilai PDF formatiupput pisariaqarlunilu illit qarasaasianni Adobe Acrobat Reader ikkunneqarsimassasoq. Programmi akeqanngitsumik internettimi uanngaanniit tigusinnaavat: Adobe.