Aaqqissuussineq pillugu

Innuttaasoq qulaani taaneqartunut ilaasoq aallarteqqinnissamut tapersiissutinik qinnuteqarsinnaavoq, aningaasaqarnikkut annaasaqaruni inuussutissarsiutiminik ingerlatitseqqinnissamut akornusiisumik.

Tapersiinissamut aalajangiisuusoq tassaavoq tapersiissutip tunniunneqarneratigut qinnuteqartup inuussutissarsiumminik ingerlatitseqqilernissaa, taamaasillunilu imminut pilersorsinnaalluni.

Aningaasatigut annaasat pigisat aserornerannik, atortut tammarnerannik, napparsimanermik assigisaannilluunniit pissuteqarsinnaapput. Inuussutissarsiummik ingerlatsisup naliliutiminik sillimmasiineranut aallarteqqinnissamut aaqqissuussineq taarsiutaanngilaq.

Tassa imaappoq, aallarteqqinnissamut tapiiffigineqassagaanni ajoquserneq, tammaaneq, napparsimaneq sulisinnaannginnerluunniit siumoortumik matussuserneqarsimassanngilaq, matussuserneqarsinnaassananilu, sillimmasiisarfimmit namminersortunit pisortanilluunniit imaluunniit namminersortunit pisortalluunniit tapersiinissamut aaqqissuussamut assigisaanulluuunniit matussuserneqarsimannginnissaq piumasaqaataalluni.

Assersuutigalugu qinnuteqartunut ima annertutigisumik isertitaqartunut, taamaasilluni naatsorsuutigineqarsinnaalluni qinnuteqartup annaasaqarnini nammineq qaangersinnaagaa, Pisortaqarfik tapersiineq ajorpoq. Taamaattumik pingaaruteqarpoq ukiumoortumik nalunaarutit nassiunnerani imaluunniit kommunip naqissutaanik qinnuteqarnermi isertitanut paasissutissat immersuinermi eqqortuunissaat.

Aallarteqqinnissamut tapiiffigitittoqarsinnaanngilaq atortut nungullarpata, soorlu umiatsiaaraq, atortut il.il. atortut ajoqusernerisigut, atortut inuussutissarsiummut attuumassuteqartut tammarnerannik napparsimanermilluunniit timikkulluunniit arlaatigut peqquteqartumik sulisinnaajunnaarnermik peqquteqartumik annaasaqarneq pinngimmat, soorlu inatsisini nassuiaatigineqartutuut.

Aallarteqqinnissamut aaqqissuussinermut qinnuteqarluni immersugassaq immersugassat ataanni nassaarineqarsinnaavoq.