Inuussutissarsiutitigut tapiisarneq pillugu

Inuussutissarsiummut attuumassuteqartunut assigiinngitsorpassuarnut aningaasaliissuteqarnissamut taperserneqarnissamut nunalerisoq qinnuteqaateqarsinnaavoq, assersuutigalugu

• inuussutissarsiummut illuutit sananissaannut,
• innaallagissiorfimmut,
• maskinanut, atortunut il.il.
• Aamma kinguaariit taarsernerat/akilersuisut taarsernerat.

Inuussutissarsiutinut tapersiinermut immikkoortoqarfiup suliap ilaa taanna Qaqortumi Nunalerineq pillugu Siunnersuisoqarfik suleqatigalugu allaffissornikkut aqutaraa.

Suliamut tunngasumik ilisimasaqarnissap, aningaasartuutinut missingersuutit piviusorsiortut kiisalu qinnuteqartup nammineq akiliutigisassaminik atugassaqarnissaa pillugit uppernarsaateqarnissaq inuussutissarsiutinut tapersiinermut immikkoortortaqarfiup piumasaqaatigisarpaa. Soqutiginnittut kikkulluunniit inuussutissarsiutinut tapersiinermut immikkoortortaqarfimmut toqqaannartumik saaffiginnissinnaapput.