Inuussutissarsiutitigut tapersiisarneq pillugu

Innuttaasoq inuussutissarsiutigalugu aalisartutut piniartutulluunniit uppernarsaateqartoq makkununnga qinnuteqarsinnaavoq:

Angallatinik iluarsaassineq

Qulaani allassimasut assigalugit pitsaasunik atugassaqartitaalluni attartortitsinikkut tapersiineq pisarpoq:

• Angallatinik aalisariutinik anginerusunik allanngortiterinerit iluarsaassinerillu,
• pisineq,
• iluarsaassinerit annerusut motorinillu taarsersuinerit,
• isumannaallisaanermut atortulersuutinik pisineq,
• teknikikkut atortulersuutinik allanik kiisalu
• aalisarnermi piniutinik assigisaanillu ingerlatsinermut atortunik pisinermi.

Nammineerluni 10%-inik akiliuteqarnissaq piumasaqaataasarpoq. Inuussutissarsiutinut siuarsaatinik taarsigassarsiniarnermi piumasarineqarpoq, suliniut teknikikkut illersorsinnaassasoq, inuiaqatigiit aningaasarsiornerannut maannakkut siunissamilu illersorsinnaassasoq kiisalu inuussutissarsiutinut siuarsaatinik taarsigassarsinermigut imminut pilersorsinnaalerumaartoq.

Umiatsiaaqqamik pisineq

Inuussutissarsiutigalugu umiatsiaaqqamik akuerisaasumik pisinissamut taperserneqarnissaq qinnuteqaatigineqarsinnaavoq. Umiatsiaaqqap pisiarinerani akiata 75%-iinik tapersiisoqartarpoq. Taamaasilluni aningaasartuutit sinnerinik 25%-iusunik qin-nuteqartup nammineerluni akiliuteqarnissaa piumasaqaataavoq.

Qinnuteqartup 18-nit 60-illu akornanni ukioqarnissaa, ukiullu marluk piniarnermik aalisarnermilluunniit inuussutissarsiuteqarsimanissaa aamma qinnuteqarfimmi piumasarineqarpoq.

Taamaattorli tapiissut akileqquneqarsinnaavoq pissutsit makku nalliuppata:

• Tapiissutisisoq ukiuni tulleriinni marlunni piniarnermik aalisarnermilluunniit inuussutissarsiuteqartutut nalunaarsorsimanngikkuni,
• tapiissutisisoq qaammatini aqqaneq marlunni kingullerni umiatsiaaqqamik pingaarnernik isertitaqarsimanngikkuni,
• tapiiffigineqarnermiit ukiut arfinillit qaangiutinngitsut umiatsiaaraq tunineqarpat,
• umiatsiaaraq qularnaveequtigineqarpat, Naalakkersuisut peqqusineratut tapiissutisisoq qaammatini aqqaneq marlunni ingerlareersuni umiatsiaaqqap ingerlanneqarnerani tunisinermut uppernarsaatinik nassiussinngippat, kiisalu
• tapiissutinik tunniussinermi atugassarititaasunik suusupaginnikkaanni.