Tapiissutit

Inatsisitigut toqqammaviuvoq Nunalerineq pillugu Inatsisartut inatsisaat nr. 5, 2. maj 1996-imeersoq

Aningaasaliissutit atorneqartarput savaaqqanut savanullu tunisinermi tapiissutitut kiisalu pilersitsinermut tapiissutitut. Taamaasilluni pineqarpoq inuussutissarsiummik ingerlatsisunut toqqaannartumik tapiissutit, inuussutissarsiortunut sinaakkutissatigut atugarisssarisani pitsanngoriaatinut tapiissutit aningaasaliiffigineqartarlutik Nunalerinermut Ineriartortitsilluni tapiissutit ataanni.

Tunisinermi tapiissutit savaaqqanut savaasinnaasunullu sammitinneqarput, savaatilinnit Narsami toqoraavimmut pilersuutigineqartartunut toqoraavinnulluunniit allanut uumasut nakorsaqarnikkut suliareqqiinissamut akuerineqarsimasunut.

Tunisinermi tapiissutitigut siunertarineqarpoq, qularnaassallugu suliareqqiisarnermik suliffeqarfiup (Neqi A/S-ip) amerlanerpaanik savaaqqanik savanillu toqoragassaqarnissaa peqatigitillugulu pi-ngaarnerusutigut tunisassiortuni (savaatilinni) tamakkiisumik aningaasatigut isaatsitsinerup pitsanngortinneqarnissaanut tapiissuteqartarneq.

Tamakkiisumik tunisinermi tapiissutit tunniunneqartarput savaaqqamut kiilumut ataatsimut tunineqartumut tapiissutitut akilerneqartarlutillu Neqi A/S aqqutigalugu.