Sermip erngullu avammut nioqqutissatut atorneqarnissaat pillugu

Naalakkersuisut 2004-imi sermimik imermillu avammut niuerneq pillugu iliuusissaq 2004-2013 suliarivaat, tassani anguniakkat pingaarnerit tassaasimallutik immikkoortup nammineerluni inuussutissarsiutitullu imminut napatissinnaalluni ineriartortinnissaa.

Taamaalilluni sermimik imermillu avammut niuernermut tunngatillugu inussutissarsiutitigut siuarsaaneq 2005-imi aallartinneqarpoq, annertunerusumik ilisimasaqalernikkut teknikikkut pilersaarutitigullu piareersimanermik annertunerulersitsisussat suliniutit arlallit aallartinneqarmata. Taamaalilluni Kalaallit Nunaanni sermimik imermillu isumalluutinik misissuinerit, tunisassianik allattuiffik kiisalu niuerfinnik misissuineq kiisalu pilersaarutit allat arlallit naammassineqarlutik.

Inuussutissarsiutinik siuarsaanermi suliniutit ilaattut sermimut imermillu aningaasanik immikkoortitsisoqarpoq, suliffeqarfiit sermimik imermillu avammut niuerneq pillugu inatsimmut naleqqiullugu pisariaqartutigut akuersissutillit, tunisassianik inerisaanissaq siunertaralugu qinnuteqarfigisinnaasaat. Immikkoortitanut qinnuteqarnissaq pillugu malittarisassanik inerisaasoqarsimavoq.

Inuussutissarsiornermut, Suliffeqarnermut Inuussutissarsiutinullu ilinniartitaanernut Naalakkersuisoqarfik naalakkersuisut ingerlatsineranni oqartussatut ataqatigiissaarisuuvoq.

Iluaquteqarnissamut akuersissutinik qinnuteqaatit aamma sermimut imermillu aningaasanik immikkoortitanut qinnuteqaatit Greenland Mining Service-mut nassiunneqartarput, ukununnga tunngatillugu sulianik suliarinninnermik isumagisaqarnissamut Namminersornerullutik Oqartussanik kiffartuussinissamik isumaqatigiissuteqartoq:

Inatsisit:
Sermimik imermillu avammut niuerneq pillugu inatsit
Sermeq imerlu pillugit nalunaarut