Aalisarnermut Immikkoortortaqarfik

Aalisarnermut immikkoortortap suliassaraa ataavartumik aalisarnermik inuussutissarsiuteqarnerup iluani nalunaarsuisuineq ineriartornermillu misissueqqissaartussaalluni malittarisassanik allanngortitsinermi ilusilii-sarnissaq il.il. siunertaralugu, tamatumuunakkut qulakkeerneqassammat inuussutissarsiornermi aningaasarsiornerup pisassaqassutsillu annerpaa-mik atorluarneqarnissaat.

Taamaalilluni aalisarnermut immikkoortortap suliassaraa Kalaallit Nunaata imartaani kalaallit nunanillu allaneersut aalisariutaasa nakku-tigineqarnissaat amerlassusissaannillu aalajangiisarnissaq aammalu aalajangersartartussaallugu aalisariutit kalaallinit pigineqartut nunat allat aningaasarsiornikkut killeqarfiisa iluanni aammalu nunat tamat ataat-simut imartaanni aalisartut amerlassusissaat. Tamatumunnga ilagitillugu immikkoortortap suliassaraa aalisarnissamut pisassat amerlassusis-saannik aalisarnissamullu piginnaatitsissutinik allaffissornikkut sullissineq.

Tamakkua saniatigut aamma Aalisarnermut immikkoortortap suliassaraa aalisartunut tapiissutinik aaqqissuussinerup allaffissornikkut ingerlan-neqarnissaa, umiarsuarnik tunitsiviliisarneq il.il.

Aalisarnermut immikkoortortap suliassaraa nunarsuarmi tamarmi aali-sarnerup iluani soqutigisaqaqatigiinnut attaveqaataaneq. Taakkununnga attuumassuteqarnerit ilai suliarineqartarput København-imi Bruxelles-imilu Kalaallit Nunaata sinniisoqarfii suleqatigalugit. Taamaalil-luni immikkoortortaqarfiup akisussaaffigaa illuatungeriilluni aalisarnikkut isumaqatigiissusiortarneq aammalu aalisagaatit atorneqarnerannik aaq-qissuussinerit nunarsuarmi soqutigisaqaqatigiinnut isumaqatigiissusiorne-qartarnerat.

Suliassaqarfiit tamakkiisumik takussutissiorneqarnerat:

• Nunap nammineq iluani nunarsuarmilu aalisarnermi inatsisinik atortitsineq allaffissornikkullu ingerlatsineq, tassunga ilanngullugit illersuinissamut- aalisakkanillu atuinermut tunngassuteqartut.
• Nunap nammineq iluani nunarsuarmioqatigiillu aalisarnikkut tunngaviusumik politikkiannut ilanngussaqartarneq.
• TAC-imik pisassiissutinillu aalajangiisarnerup suliarineqartarneri allaffissornikkullu suliassat, taakkununnga ilanngullugit aalisarsin-naanermik piginnaatitsissutit akuersissutillu suliarineqartarneri.
• Aalisarnerup misissuiffigineqartarnerani alapernaarsoneqartar-neranilu tunngaviusumik suliassat
• Aalisarnerup iluani siuarsaanermi suliniutinik il.il. atuuti-lersitsisuuneq
• Nunami tunitsiviit aamma nunaqarfinni tunisassiorfiit ingerlanneqarnerat allaffissornikkullu suliassat, taakkununnga ilanngullugu AGF-imut sullissinissamik isumaqatigiissusiorneq
• Isumasioqatigiinni, ataatsimiittartoqatigiinni suleqatigiissitani, ataatsimiititaliani isumasioqatigiissitsinernilu suliassaanut ikior-taaneq
• Sumiiffiit iluanni, illuatungeriillunilu naalagaaffiit isumaqatigiissu-siaat, isumaqatigiissutaallu.