Qaammataasakkut alapernaarsuineq

Kalaallit aalisariutaasa ilaat qaamataasaq aqqutigalugu alapernaarsugaapput. Tamanna atuuppoq aalisariutinut tamanut:

1) Aalisariutinut, aalisariutit angissusianut allagartat malillugit 50 BRT/BT 90-mik uuttuutillu taakkua sinnerlugit angissusilinnut.
2) Aalisariutinut qanorluunniit angissuseqaraluarlutik aalisariummi pisanik suliareqqaarinissamut akuersissumik pilinnut.
3) Angallammut sumullunniit, Kalaallit Nunaata aalisakkanut imartaani aalisakkanik imaluunniit aalisakkanik tunisassianik aalisariummiit usilersortartumut, aalisariutip angissusia naalagaaffimmilluunniiit suminngaanersuunera apeqqutaatinnagu.

4)Nalunaarut aamma atuuppoq nunat allamiut aalisariutaataannut, kalaallit aalisakkatigut imartaani aalisartunut aalisariutip angissusia apeqqutaatinnagu.

 Aalisariummik piginnittup nammineerluni isumagisassaraa angallatinik alapernaarsuutip inatsisitigut peqqussutaasup (FOE) ikkussuunneqarnissaa. Kalaallit Nunaanni O.S. Electronic A/S sinerissap qanittuani aalisarnermut ARGOS-p atortulersuutaanik tuniniaasartuuvoq.

FOE-i atorsinnaanngippat piaarnerpaamik Aalisarnermut Nakkutilliisoqarfik tamatumannga nalunaarfigineqassaaq. Aalisariut umiarsualivimmiikkuni FOE iluarsineqareertinnagu aalisariarluni aallassanngilaq. Aalisarnerup ingerlanerani FOE aserorpat taava aalisariut umiarsualivimmut tikinniariarpat FOE iluarsarneqassaaq. Aalisarneq naammassillugu ingerlanneqarsinnaavoq ullut tamaasa GFLK-mut sumiissuseq nammineerluni nalunaarutigineqartarpat.

Naalagaaffiit tamarmik aalisarfigisinnaasaanni aammalu nunat allat imartamikkut killeqarfiata iluani aalisarnermi kalaallit aalisariutaataat FOE-mik atorsinnaasumik atortulersugaassapput. Kalaallit Nunaata killeqarfiata avataani aalisarnermi pisariaqarluinnarpoq nunat ataasiakkaat naalagaaffiillu tamarmik aalisarfigisinnaasaani erseqqinnerusumik malittareqqusat ilisimassallugit. Takuuk fiskeristyrelsip qarasaasiami link-mi katersuiffiat uaniittoq.

OS-electronic A/S

Tilladelse til at downloade DNID til Inmarsat-C udstyr