Nakkutilliisut

1989-imi nakkutilliisoqarneq eqqunneqarpoq, taannalu annertusiartortinneqarluni
1996-imi 50-inik aalisarnermi nakkutilliisoqarnissaa akuersissutigineqarluni.
Aaqqiinerup eqqunneqarnera annertusarneralu ilaatigut raajarniarnermi
pisassiissutinik nammineq pigisanik niuerutigineqarsinnaasunillu atuilernermut
atatillugu eqqunneqarpoq. Taamanikkut raajarniarneq raajarniutit
annertoorujussuarmik pisaqarsinnaassuseqarnerannik kalluarneqarpoq aammalu
piffissat ilaanni raajat mikisut amerlasuut iginneqartarlutik, taaneqartartoq ”highgrading”.
Tassunga ilaliullugu raajaniarnermi pisarisuukkanik kisitsisit aamma
uppernassusiat nalorninarnikuuvoq.
Taamanikkut nakkutilliisoqarnermik aaqqiinermi raajarniarneq isiginiarneqarpoq,
pingaartumik igitsisarnermi pisarisuugaqartarnermilu ajornartorsiutit millisinniarlugit,
taamaalillunilu pisanik nalunaaruteqartarneq uppernarnerusunngortinniarlugu.

Aalisarnermi nakkutilliisut sulissaraat aalisarnermi nakkutilliinissaq, tassa imaappoq
aalisarnermik malinnaaneq nakkutilliinerlu, taassuma ataani eqqortumik pisanik
nalunaarsuinissaq qulakkeerniarlugu aammalu eqqaasoqaqqunagu. Aammattaaq
angallammi naalagaq siunnersorsinnaavaat kiisalu unioqqutitsinernik
nalunaaruteqatassallutik. Aalisarnermi nakkutilliisut taamaalillutik pisinnaatitaanngillat
aalisarnermi inatsisit malinneqarnersut misissussallugu. Taamaalillutik
peqqusisinnaanngillat imaluunniit pillaammik akiligassiisinnaanatik il.il.

Nakkutilliisoqarnerata malittarisassat malinneqarnissaannut tapersiivoq. Pingaartumik
nakkutilliinermi periutsit nalinginnaasut naammatsinnagit, soorlu:
• Eqqaanissamik inerteqqutip malinneqarnissaa;
• Pisarisuukkat annikillisinneqarnerat;
• Atortut inerteqqutit atorneqarneri;
• Pisanik aamma pisarisuukkanik kiisalu igitanik eqqortumik nalunaarsuineq;
• Nutaanik aalisalernermut atatillugu kisitsinik paasissutissanillu katersineq;
• Ilisimatusarnermut atatillugu ikiuunneq aamma kisitsisinik paasissutissanillu
katersineq;
• Inuttaqarneq pillugu malittarisassat malinneqarneri.

Nalilersuinermi sakkut, angallatit pisaasa katitigaanerisa assigiinngissutaannik
nalilersuutaasinnaasut KANUAANAp ineriartortinnikuuai, taamaalillunilu
nakkutilliinerup annertussusiata sunniutai misissorneqarsinnaallutik.
KANUAANA-p takutinnikuuaa imaattoqarunartoq:
• angallatit ilaasa nakkutilliisoqarlutik nakkutilliisoqarnatillu raajat suliffissuarni
atugassat annertuumik assigiinngissuteqartut;
• ataatsimut isigalugu angallammi nakkutilliisoqartillugu nakkutilliisoqartinnagulu
raajanik eqqaasarneq assigiinngissuteqartoq;
• angallami nakkutilliisoqartillugu ingasammik raajanik eqqaasarneq
ingalassimatinneqartartoq.