Piniarnermik Nakkutilliisut

Kalaallit Nunaanni Aalisarsinnaanermut Akuersissutinik Nakkutilliisoqarfik

(KANUAANA)

Postboks 501

3900 Nuuk

Tlf./ Oq (+299) 34 50 00

Fax. (+299) 34 63 60

e-mail gflk@nanoq.gl

Aalisartut Aqqutaat 47

(Illu tungujortoq, siornatigut Royal Greenland-ip allaffeqarfikuva)

Aalisarnermut Piniarnermut Nunalerinermullu Naalakkersuisoqarfik

Aalisarnermut Immikkoortortaqarfik

Piniarneq aallaaniarnerlu

Piniarnermik aalisarnermillu nakkutilliisoqarneq misiligutitut 1990-imi pilersinneqarpoq. Aaqqis-suussinermi Kalaallit Nunaanni piniarnermi aallaaniarnermilu piujuartitsinissamik tunngaveqarluni uumasunik isumalluutinik atuinissap toqqaannartumik nakkutilliineq aqqutigalugu qularnaarneqarnissaa siunertaavoq. Aaqqissuussinermi toqqaannartumik nakkutilliineq suli pingaarerpaajuaraluartoq kingusinnerusukkut aamma qaammarsaanermut suliassanullu allanut tunngasunik annertusineqarsimavoq, soorlulu nuna tamakkerlugu nakkutilliineqarlernissaa anguniarneqalersimalluni.

Piniarnermik nakkutilliisut salliutillugu suliassaraat nunap ilaani atorfeqarfigisaminni tamakkiisu-mik piniarnermik aallaaniarnermillu nakkutilliinissaq. Nakkutilliiffissaq tamakkerlugu uteqqiattumik piffissat eqqissisimatitsiviit peqqussutillu allat malinneqarnerat nakkutigineqartussaavoq, aammali uumasut ilaasa piniagaaffiisa nalaanni nakkutilliineq annertusisinneqarsinnaalluni. Nakkutilliineq ulluinnartumik aammalu ulluni arlalinni unnuisarluni illoqarfiup qanittuani ungasissuanilu ingerlanneqartassaaq. Nakkutilliisut aamma suliassaraat pisuussutinik uumassusilinnik iluaquteqarniarnermik aqutsinermi kisitsisitigut paasissutissanik tunngaviusussanik annertusaanermut ingerlatsiuarnissamullu peqataanissaq. Tamatuma saniatigut nakkutilliisut sapinngisamik uumasunik nujuartanik paaqqinninnermut suliassanullu pinngortitamut tunngasunik paasisitsiniaanermi qaammarsaanermilu ikiuutissapput Aalisarnermut Piniarnermullu Pisortaqarfiup, Inuussutissarsiornermut, Nunalerinermut Suliffeqarnermullu Pisortaqarfiup, Avatangiisinut Pinngortitamullu Pisortaqarfiup Pinngortitaleriffiullu isumaqatigiissutigisimasaat tunngavigalugit.

Nakkutilliisut aamma nunami uumasoqarfiit eqqissisimatitat, pinngortitami eriagisat, nunat eqqissisimatinneqartut il.il. allallu pinngortitami illersorneqartut eqqarsaatigalugit nakkutilliinermi peqataanissaq suliassaraat. Aningaasalli sulisoqarnikkullu periarfissat killeqarnerat pissutigalugu piniarnermik aallaaniarnermillu nakkutilliineq salliutinneqassaaq.

Piniarnermik aalisarnermillu nakkutilliisoqarneq pillugu nassuiaat

Til top

Nutarterneqarpoq : 20.06.2011

Namminersorlutik Oqartussat, Imaneq 4, Postboks 1015, 3900 Nuuk, Oqarasuaat: (+299) 34 50 00, Fax: (299) 32 50 02, E-mail: info@nanoq.gl