INM

Illegal = Inatsisinik unioqqutitsisumik

Unreported = Nalunaarutigisaanngitsumik

Unregulated = Malittarisassaqartitaanngitsumik

IUU = INM

Suaat, niaqqut, avaleqqat tinguillu, aalisakkat suugaluarpata atortui, tunisinermi avammut,akuersissuteqarnissaat piumasaqaataajunnaarpoq, EU-mut tunisinermi (EU-forordning 202/2011).

15. marts 2011 aallarnerfigalugu immersuiviit nutaanngortinneqarput

Jannuaarilli aallaqqaataani 2010-mi aalisakkanik tunisassiat tamarmik, EU-mut eqqunneqartut, inatsisit unioqqutinnagit aalisarneqarsimasutut/piniarneqarsimasutut akuersissutigineqassapput. Allatut oqaatigalugu aalisakkanut aalisakkanillu nioqqutissianut Kalaallit Nunaanniit anninneqartunut tamamut IUU-p peqqussutaa atuuppoq aammalu nunat pingajuat aqqutigalugu EU-mut toqqaannanngikkaluartumik ingerlatitseqqittarnerni.

Akuersissuteqartarnermik aaqqissuussinerup nutaap aallarniutaasumik saqqummiunneqarnerani aallaqqaatigalugu atuarneqarsinnaapput nalinginnaasut aammalu ingerlaavartumik paasissutissiinerit. Immikkoortumi tassani nassaarisinnaavatit apeqqutinut qitiulluinnartunut akissutit aammalu GFLK-p ingerlaavartumik paasissutissiissutai ilisimatitsissutit sulerineqarsimasut.

Uppernarsaatit nutaat immersorneqarnerannut aammalu suleriummut tunngatillugu innersuussutigineqarpur Immersugassat aamma ilitsersuutit. Tassani nassaarisinnaavatit ilitsersuutit, uppernarsaatinut tamanut naleqquttut, aammalu kommission’ip quppersagaaraliaa tuluttooq danskisullu imaqarnersiugaasoq. Aamma takusinnaavatit EU-p umiarsualiviinik nalunaarsuiffik, kalaallit aalisariutaasa toqqaannartumik usingiarfigisinnaasaat, imaluunniit EU-mut toqqaannartumik tulaassinerit pineqarnersut.

GFLK-mut allagartat uppernarsaatit atortussanngortinneqarnissaannik qinnuteqarnerup saniatigut, avamnmut tuniniaasartup GFLK-mi imminut naatsumik ilisaritinneq suliarissavaa. Allagartat uppernarsaatissat aakkit GFLK-mi Immersugassat aamma Ilitsersuutit iluanni Pilersitsinermi.

Allagartanut uppernarsaatinut nutaanut ilitsersuutit nutaat uppernarsaatissartaannik annertunerusumik ilisimasaqarnissaminnik kissaateqartut tamanna pillugu atuarsinnaavaat Inatsisitigut tunngaviit.

GFLK-mik attaveqaqatiginninnerit tamamik pisassapput taamaallat GFLK-certificates@nanoq.gl aqqutigalugu.

Pingaartorujussuuvoq!

Allagartanik uppernarsaasiornerup nutaa atuutilernerata kingorna ersarissumik takuneqarsinnaan-ngorsimavoq, atortuulersitsinermi (validering) suliat ingerlasarnerat aalisartuniit tunitsivinnut eqqunngitsunik paasissutissiisarnermik akornusersorneqarajuttoq kinguarsarneqartarluniluunniit.

Taaguut ”inatsisinik unioqqutitsineq” imaluunniit ”IUU” assigiinngitsumik paasisariaqartut aammalu pineqaannanngitsut nunami allamiut aalisariutaataat angalasut kisimik (inuulluarniutitut erfalasoq) atugaralugu.

Inatsisinik unioqqutitsinerusinnaavoq allagartamik akuersissummik atorsinnaassusilimmik peqarani aalisarneq, aalisariummik allagartami akuersissummi nalunaarsorsimanngitsumik aalisarneq, tunisinermi allagartanik akuersissutinik nalunaaruteqanngitsoorneq, aalisarnermut piniutit inatsisinik unioqqutitsisut atorlugit aalisarneq, akuersissummik qinnuteqaatip naammassillugu suli suliarineqannginnerani aalisarneq, il.il.

Allatut oqaatigalugu Aalisarneq pillugu Inatsimmik taassumunngalu nalunaarusianik eqquutitsinngitsut tamarmik ”inatsisinik unioqqutitsinertut” isigineqarsinnaapput.

Tunitsiviup uppernarsaatissanut paasissutissatut pissusissaa maillugu, eqqortumik tamakkiisumillu saqqummiussinnaanngippagit, amerlassutsit taakku pineqartut, annertussusiat apeqqutaatinnagu, avammut tunisassiat tunuartinneqassapput. Amerlassutsit taakkua avammut tunisassatut nassiunneqartussanut ilanngunneqartarmata, tamanna isumaqarsinnaavoq ataatsimut nassiussassat aamma tunuartinneqartut aningaasatigut annertuumik nassataqarnerluttussamik.

Paasissutissat kuingulliit ilanngunneqarput: 26.08.2010

Quppernermut akisussaasoq: Hervé Casadepax