KNAAN-imi atuisartoqatigiit

Atuisartoqatigiit pilersinneqarput aalisarnermik piniarnermillu nakkutilliinermik soqutigisaqartut paasissutissinneqartarnissaat anguniarlugu ilanngullugillu nakkutilliinermi periutsit siunissamullu eqqarsaatit. Atuisartoqatigiit aamma oqalliffiusinnaassapput, soorlu pisanik suliffissuarnut tunisassanik nakkutilliinermut tunngasunik aammalu nakkuitillii-niarnermi illua-tungerinnut eqaannerpaamik aaqqiissutaasinnaasunik. Atuisartoqatigiit aamma siunnersuuteqarsinnaapput nakkutilliinermi periusissanik nutaanik aalisarnermik nakkutilliinermut iluaqutaasinnaasunik. Atuisoqatigiit nakkutilliinerup qanoq ingerlanneqarnissaanut aalajangeeqataasinnaanngillat.

Atuisoqatigiit siammasissumik inuttalersugaapput taamaaliornikkut soqutigisaqartut tamarmik pitsaanerpaamik paasissutissinneqartarniassammata tassunnaqquullugu pitsaasumik kingunis-salimmillu oqallittoqarsinnaaqqullugu. Peqataasut tamarmik namminneq piumassusertik tunngavigalgu peqatigiiffitik suliniaqatigisatillu sinnerlugit peqataassapput. Ataatsimiinnermut peqataanerit akissarsiaqarfiunatillu ullormusiaqarfiunngillat.

Siunnersuisoqatigiit ikiumut sisamariarlutik ataatsimiittassapput, imaluunniit nakkutilliinermi malunnaatilimmik allannguisoqassappat, suliassarititaasulluunniit amerleriartinniarniarpata.

Ataatsimiinnernit imaqarniliat KNAAN-ip nittartagaatigut tamanut saqqummiunneqartas-sapput.

Atuisartoqatigiit makkuninnga ilaasortaqarput

Ilaasortat	Peqataasut qassit
KNAAN ilanngullugit tassani sulisoqatigiit assigiinngitsut	-
Aalisarnermut immikkoortortaq, Aalisarnermut, piniarnermut nunalerinermullu naalakkersuisoqarfik	1
Avatangiisinut immikkortortaq, Nunamut namminermut, pinngortitamut avatangiisinullu naalakkersuisoqarfik	1
Politiit Kalaallit Nunaanni sakkutooqarfik	1 1
GN, Pinngortitaleriffik (Grønlands Naturinstitut)	1
GA (Kalaallit Nunaanni sulisitsisut peqatigiiffiat)	1
KNAPK (Kalaallit Nunaanni Aalisartut Piniartullu Kattuffiat - Sammenslutningen af Fiskere og Fangere i Grønland) RAL – Royal Arctic Line, Fritidsfangerforeningen (Saniatigooralugu piniartartut peqatigiiffianiit)	1 1 1 1
AvataQ (Pinngortitaq avatangiisillu pillugit peqatigiiffik - Grønlands Natur og Miljøforening)	1

Soqutigisaqaqatigiit allat KNAAN-ip atuisoqatigiivinut ilaasortaarusuttut uunga saaffiginnissinnaapput GFLK@nanoq.gl. Tamatuma kingorna Aalisarnermut, Piniarnermut Nunalerinermullu Naalakkersuisoqarfiup saaffiginnissut nalilersussavaa.