Aalisarsinnaanermut Akuersissutinik Nakkutilliisoqarfik (KANUAANA)

Kalaallit Nunaanni Aalisarsinnaanermut Akuersissutinik Nakkutilliisoqarfik

(KANUAANA)

Postboks 501

3900 Nuuk

Tlf./ Oq (+299) 34 50 00

Fax. (+299) 32 32 35

e-mail gflk@nanoq.gl

Aalisartut Aqqutaat 47

(Illu tungujortoq, siornatigut Royal Greenland-ip allaffeqarfikuva)

Aalisarnermut Piniarnermut Nunalerinermullu Naalakkersuisoqarfik

Aalisarnermut, Piniarnermut Nunalerinermullu Aqutsisoqarfik

Piniarneq aallaaniarnerlu

Kalaallit Nunaanni inuussutissarsiutigalugu aalisartunut atugassarititaasut arlalipassuupput. Paasissutissat nassiutassat amerlasaqaat. Kalaallit Nunaanni aalisarnermut akuersissutinut nakkutilliisut paasissutissat taakku tamaasa katersortarpaat. Paasissutissat taakku tamaasa tigunissaat KANUAANA-mut pingaaruteqarpoq, assigiinngitsorpassuarnut tunngatillugu atorneqartarmata.

Siullermik pingaarnerusumillu paasissutissat nassiunneqartut kiilut qassit imaanit qaqinneqarnersut malinnaaffiginissaannut KANUAANA’p atortarpai. Aalisarnerit ilaat peqqissaartumik malittarineqartartussaapput pisassiissutit annerpaaffissalerneqartarmata. Aalisarnermut tunngatillugu Inatsisartut apeqquteqaraangata taakku akineqarnissaannut KANUAANA aamma kisitsisinik tunniussaqartartussaavoq. KANUAANA aamma Pinngortitaleriffimmut paasissutissanik tunniussaqartarpoq tassanilu kisitsisit atorneqartarput pisassiissutissatut innersuussuteqarnissami.

Inatsisip siunertaraa aalisakkat naleqquttumik ilisimatuussutsikkullu illersorneqarsinnaasumik iluaqutigineqarnissaasa qulakkeerneqarnissaat

Aalisarneq pillugu inatsisartut inatsisaat nr. 18, 31. oktober 1996-imeersoq

KANUAANA’p suliassaa pingaarneq tassaavoq nalunaarutit umiarsuillu allattaaviisa nassiunneqartut ingerlaavartumik misissornissaat, aalisariutit Kalaallit Nunaata imartaani iliuusaat alaatsinaassallugit satellitsikkut nakkutilliissutit aammalu sapaatit akunnikkaartumik pisanik nalunaarutit atorlugit. Paasissutissat nalunaarutineersut, umiarsuit allattaaviineersut kiisalu tulaassaneersut tunngavigalugit pisassiissutinit pisat pillugit takussutissiortoqartarpoq taakkulu kattuffinnut susassaqartunut oqartussaasunullu ingerlateqqinneqartarlutik.

KANUAANA’p aammattaaq kalaallit aammalu nunat tamat aalisarnermut aalajangersagaat aalisariutinit Kalaallit Nunaanni nalunaarsukkanit kalaallit aningaasarsiornermut tunngatillugu killigitaata iluani aalisarfiup avataani aalisartunit maleruarneqarnersut nakkutigisussaavaa. Kalaallit aalisariutaat NEAFC-mit aammalu NAFO-mit killilersugaasuni kiisalu Norgemut, Ruslandimut, Islandimut Savalimmiunullu atasumik aningaasarsiornikkut killigititap iluani aalisarnermik ingerlataqartuupput. Taamaattumik aalisarnermik nakkutilliinerup ilaatut kattuffiit assigiinngitsut suleqatigineqarput. Ilaatigut nunani tamalaani suleqatigisartakkat NAFO, NEAFC, NACGF aammalu NASCO.

Avataani aalisarnermik nakkutilliineq Kalaallit Nunaanni Sakkutooqarfimmit - Grønlands Kommandomit (GLK) isumagineqarpoq avataani aalisariutit pisaannik atortuinillu misissuisarlutik.

Suliassaqarfiit pillugit takussutissaq tamarmiusoq:

Piniarnermik, aallaaniarnermik sinerissamullu qanittumi aalisarnermik nakkutilliineq alaatsinaannerlu aallaaniarnermut aalisarnermullu nakkutilliisuutitat atorlugit
Avataani aammalu nunat allamiut aalisarnerisa nakkutiginerat alaatsinaannerallu tassani atorlugit Aalisarnermut akuersissutinik Nakkutilliineq aammalu aalisarnermit paasissutissanik nalunaarsuineq.

Una tooruk KANUAANA pillugu aaqqissuussaannermut takussutissiaq takujumagukku.

Nakkutilliinek una tooruk