Timmissat

Inuit inuussutissarsiutigalugu piniarnermut allagartallit ullormi aallaaniarfiusumi ataatsimi amerlanerpaamik ataatsimut katillugit 30-nik pisaqarsinnaapput, ukiakkut ukiuuneranilu timmiarniarnermi.

Inuit sunngiffimmi aallaaniarsinnaanermut allagartalinnut ullormi aallaaniarfiusumi ataatsimi amerlanerpaamik ataatsimut katillugit tallimanik (5) pisaqarsinnaapput

Upernaakkut pisassiissutitalinnik timmiarniarneq: Qulaani taaneqartut saniatigut Mitit upernaakkut pisassiissutitaqarput, tassa Qeqqata kommuniata avammut killeqarfianiit Qaanaami aqutsiveqarfiup kujammut killeqarfianut. Kiisalu  upernaakkut pisassiissutitalimmik timmiarniarneq ukunnga ingerlanneqarluni, Miteq siorakitsoq, Miteq siorartooq, Appa sigguttooq, Appa, Appa sigguttooq (Qaanaami Ittoqqortoormiit aqutsiveqarfianni), ullormut annerpaamik tallimanik pisaqartoqarsinnaalluni.

Pisassiissutitaqanngitsumik timmiarniarnermi piffissat piniarfiusinnaasunut  pisassiissutitaqanngitsumik timmiarniarnermi timmissat ukua pineqarput: Tuullik, Oqaatsoq, Qaqulluk (Mallemuk), Nerleq siggukitsoq, Nerlernaq, Canadap nerlia, Qeerlutooq, Alleq, Serfaq, Appaliarsuk, Naajarluk, Naajarujussuaq, Naajaannaq, Taateraaq, Aqisseq aamma Tulugaq.

Piffissat piniarfiusinnaasut il.il. tunngatillugu unnersuussutigineqarpoq Timmissat illersorneqarnerat piniagaanerallu pillugit Namminersornerullutik Oqartussat nalunaarutaat nr. 8, 2. marts 2009-meersoq