Piffissat piniarfiusut 2011/2012

Saamia tungaani toqqarsinnaavatit piniarnissamut piffissat aammalu piniagassat ilaannut sumiiffiit piniarfiit. Timmissanut, miluumasut imarmiunut aammalu miluumasut nunamiutanut immikkoortinneqarput

Inatsisitigut tunngavik
Tunngaviusumik Piniarneq aallaaniarnerlu pillugit Inatsisartut inatsisaat nr. 12, 29. oktober 1999-imeersoq pisortat nunami imaanilu aalisarnikkut Kalaallit Nunaata oqartussaaffigisaani piniarneq aallaaniarnerlu pillugit killilersuinerannut sinaakkusiivoq. Piniakkanut killilersukkanut assigiinngitsunut nalunaarutinut atuuttunut innersuussisoqarpoq. Aammattaaq kommunini assigiinngitsuni kommunalbestyrelsit ileqqureqqusat aqqutigalugit piniakkanut tunngatillugu sukanganerusumik killilersuinissamut periarfissaqarput, sumiiffinni ataasiakkaani pissutsit aallaavigalugit.

Piffissat piniarfiusussat
Piniakkanik killilersuinermut periutsit ilagaat piniarnissamut piffissanik aalajangersaaneq. Piniakkat sorliit pineqarnersut apeqqutaalluni piffissat piniarfissat aalajangersakkat assigiinngillat. Piniakkat ilaannut piffissat piniarfiusussat (pisassiiviusumi) piffissat piniarfiusussat ukiut tamaasa aalajangersarneqartarput, piniakkanullu allanut piffissat piniarfissat inatsisisitigut aalajangersagaasarlutik.

Sumiiffiit piniarfissat
Piniarfiit aallaaniarfiilluunniit aammattaaq inatsisiliornermi malittarisassiuunneqartarput. Pissutsit qanoq ittuuneri apeqqutaalluni pisassiissutinut minnerusunut aggornilorsorneqarsimasinnaapput, sumiiffinnut killilikkani piniarneqarsinnaasut. Pissutsit aamma uumassusilerinermut tunngaveqarsinnaapput soorlu peqassutsit ilaat sumiiffinnut aalajangersimasuniinneri tunngavigalugit.