Susassaqarfiit - Piniarnermi aallaaniarnermilu tunngasuni

Piniarnermut aallaaniarnermullu immikkoortortap Aalisarnermut, Piniarnermut Nunalerinermullu Naalakkersuisoqarfiup ataaniittup suliarai piniarnermi, aallaaniarnermi akiliuteqarlunilu piniartitsinermi  inatsisiliornermi allaffissornikkut suliat ingerlanneri.

Immikkoortortap nunat tamat akornanni atassuteqaatit aamma kattuffinnut isumaqatigiissutinut tunngasut, pisuussutinik uumassusilinnik atuineq malittarisassiuunneqarnerinut tunngatillugu isumaqatigiissutit isumaginninneq. Pisassiissutit taakkulu Naalakkersuisoqarfitsigut allaffissornikkullu suliassat, ilagunngullugu  piniarsinnaanermut akuersissutit. Piniarsinnaanermut allagartanik aaqqissuussineq allaffissornikkullu suliassartai. Suliassanut allanut ilaavortaaq Piniarnermut Siunnersuisoqatigiinnut allattoqarfittut inissisimaneq.

Suliassaqarfiit tamakkiisumik takussutissiorneqarnerat:

• Nunap nammineq iluani nunallu tamat akornanni piniarnermut aallaaniarnermullu inatsisinik atortitsineq allaffissornikkullu ingerlatsineq, tassunga ilanngullugit illersuinissamut- piniagassanillu atuinermut isiginninneq.
• Nunap nammineq iluani nunallu tamat akornanni piniarnermi aallaaniarnermilu politikkiannut tunngatillugu suliassat pingaarnerit
• Pisassiissutinik aalajangiinerit naalakkersuisoqarfitsigut allaffissornikkullu suliassartai, taakkununnga ilanngullugit piginnaatitsissutit akuersissutillu suliarineqartarneri.
• Piniarnermik nakkutiginninnermi aamma piniarnermik aalisarnermillu nakkutilliisoqarnermik aaqqissuussinermi suliassat pingaarnerit.
• Puisit amiinik tunisinermi tapiissuteqartarneq, suliarineqarsimaneranillu malittareqqiinerit tassunga ilanngullugit GG-mut kiffartuunneqarnissamik isumaqatigiissusiortarneq il.il.
• Piniarnersinnaanermut allagartanik aaqqissuussineq atuutsinneqarnera allaffissornikkullu suliassartai, tassunga ilanngullugit piniarnermut allagartanik isumaginninneq 
• Akiliuteqartitsilluni piniartarnerup atuutsinneqarnera allaffissornikkullu suliassartai.
• Nunap immikkoortuini, nunamik allamik illuatungeriilluni isumaqatigiissusiornerit aamma nunat tamat akornanni isumaqatigissutinut tunngasut taakkununngalu piareersarneqartaneri, peqataffigisarlugit nammassisarnerilu
• Siunnersuisoqatigiinni, ataatsimiittartoqatigiinni suleqatigiissitani, atatatsimiititaliani isumasioqatigiissitsinernilu suliassanut pingaarnernut suleqataaneq