- Uaniipputit:
- Saqqaa
- Inuussutissarsiutit
- Inuussutissarsiorfiit
- Sanaartorneq
- Neqerooruteqartitsisarnermut Maalaaruteqartarfik
Neqerooruteqartitsisarnermut Maalaaruteqartarfik
Maalaaruteqarnissamut ilitsersuut
Neqerooruteqartarnermut inatsimmi aalajangersakkanik, aammalu maleruagassanik taanna naapertorlugu suliarineqarsimasunik unioqqutitsinerit pillugit maalaarutit allaganngorlugit uunga nassiunneqartassapput:
Neqerooruteqartitsisarnermut Maalaaruteqartarfik
Allattoqarfik
Postboks 909
3900 Nuuk
imaluunniit iaan@nanoq.gl imatut nalunaaqutserlugu: Neqerooruteqartitsisarnermut Maalaaruteqartarfik, Allattoqarfik
Neqerooruteqartitsisarnermut Maalaaruteqartarfimmi ilaasortat
Siulittaasoq: Thomas Trier Hansen (Kalaallit Nunaanni Eqqartuussivimmi eqqartuussisoq)
Siulittaasumut sinniisissaq: Jimmy Bøgh Veitland (Kalaallit Nunaanni Eqqartuussivimmi pisortap sullia)
Ilaasortat sulianik ilisimasallit marluk:
Svend Erik Danielsen (EMJ Grønland A/S-ip siulersuisuini siulittaasoq, aamma
Thorkil G. Olsen (civilingeniør, INUPLAN A/S)
Sinniisissat:
Michael Mørch (ingeniøri siunnersuisartoq aamma Spangenberg og Madsen Ingeniørit Siunnersuisartut ApS-imi piginneqataasoq)
Timo M. Abrahamsen (Nuuk Entreprenøren A/S-imi piginnittoq)
Gerth B. Lynge (NUSUKA-mi siulittaasoq)
Niels H. Vallentin (civilingeniør, Rambøll Grønland A/S)
Neqerooruteqartitsisarnermut Maalaaruteqartarfiup suliarisassavai, neqerooruteqartitsisarnermut inatsimmi aalajangersakkat maleruagassallu neqerooruteqartitsisarnermut inatsit naapertorlugu aalajangersarneqarsimasut unioqqutinneqarsimanerannut maalaarutit apeqqutillu
Aallaqqaasiut
Neqerooruteqartitsisarnermut Maalaaruteqartarfik sanaartornermi neqerooruteqartitsisarneq pillugu Inatsisartut inatsisaanni nr. 11, 2. december 2009-imeersumi § 26 naapertorlugu 1. juli 2010 pilersinneqarpoq. Maalaaruteqartarfik siulittaasoqarpoq marlunnillu sulianik ilisimasalinnik ilaasortaqarluni.
Kikkut maalaaruteqarsinnaappat
- Kikkulluunniit inatsisinut tunngatillugu soqutigisaqartut
- Unammilleqatigiinnermik Nakkutilliisoqarfik
- Suleqatigiiffiit pisortanilu oqartussaasut, Naalakkersuisunit maalaaruteqarnissamut pisinnaatinneqartut
Suliat suliarineqarnerminni 100.000 koruunit inorlugit naleqartut Neqerooruteqartitsisarnermut Maalaaruteqartarfimmit suliarineqarsinnaanngillat.
Kingusinnerpaamik maalaarutip Maalaaruteqartarfimmut tunniunneqarneranut peqatigitillugu maalaaruteqartup suliakkiisoq unioqqutitsinertut isigineqartoq pillugu allakkatigut ilisimatissavaa, aammalu maalaarutip Maalaaruteqartarfimmut tunniunneqarnera pillugu nalunaaruteqarfigissallugu.
Neqerooruteqartitsinerup inernera neqerooruteqartumut nalunaarutigineqarneraniit sapaatit akunnerisa sisamat qaangiunnerini maalaarut Maalaaruteqartarfimmut tunniunneqassaaq.
Kikkut maalaarutigineqarsinnaappat
Neqerooruteqartarnermut inatsit malillugu neqerooruteqartitsinermi inatsimmi aalajangersakkanik imaluunniit inatsit naapertorlugu maleruagassiaasimasunik unioqqutitsisoqarsimasoq isumaqaraanni maalaaruteqartoqarsinnaavoq.
Qanoq iliorluni maalaaruteqartoqassava
Allakkatigut maalaarummik Neqerooruteqartitsisarnermut Maalaaruteqartarfimmut nassiussinikkut maalaaruteqartoqassaaq. Maalaarut allakkatigut nassiunneqassaaq uunga: Neqerooruteqartitsisarnermut Maalaaruteqartarfik, Allattoqarfik, Postboks 909, 3900 Nuuk imaluunniit mailimut: iaan@nanoq.gl imatut nalunaaqutserlugu: Neqerooruteqartitsisarnermut Maalaaruteqartarfik, Allattoqarfik.
Akiliut
Maalaarummik nassiussinermi suliap suliarineqarnerata 1 %-ia akiliutitut akilerneqassaaq, taannali annerpaamik 100.000 koruuniussaaq. Maalaaruteqarnermut akiliut erngerluni akilerneqanngippat, Maalaaruteqartarfimmi siulittaasoq maalaaruteqarnermut akiliutip akilerneqarnissaanut piffissaliissaaq. Piffissaliussaq malinneqanngippat, maalaarut tunuartinneqassaaq.
Piffissaq suliarinniffiusoq
Maalaaruteqartarfiup aalajangiineri sapinngisamik suliap Maalaaruteqartarfimmut suliakkiissutigineqarneraniit qaammatit pingasut qaangiunnerini naammassineqarsimasassapput.
Tamanut saqqummiussisarneq
Maalaaruteqartarfiup aalajangiineri pineqartut kinaassusii ersitsinnagit www.nanoq.gl aamma www.udbud.gl aqqutigalugit tamanut ammasumik saqqummiunneqartassapput.
Oqaatsit
Pisariaqartillugu nutserisussanik atugassiisoqarsinnaavoq
Namminersorlutik Oqartussat, Imaneq 4, Postboks 1015, 3900 Nuuk, Oqarasuaat: (+299) 34 50 00, Fax: (299) 32 50 02, E-mail: info@nanoq.gl