Illuliornermi malittarisassat 2006

2. juni 1999-imi danskit naalagaaffiata aamma Kalaallit Nunaanni Naalakkersuisut akornanni illuutit immikkut ittumik iluarsaanneqarnissaannut pilersaarusiap 2000-imiit 2003-imut ingerlanneqarnissaa isumaqatigiissutigineqarpoq. Immikkoortumut pilersaarusiornermi anguniagaasoq tassaavoq, immikkut ittumik iluarsaassinerup avatangiisinut nukissiuuteqarnikkullu pissutsinut suliniuteqarfiusut najukkami avatangiisinuinnaq pinnani, aammali nunani issittuni nunarsuarmilu avatangiisinut iluaqutaasumik siunnerfeqarnissaa. Suliniut suliassaqarfinnut arlalinnut siunnerfeqartinneqarpoq, tamannalu ilaatigut ”Piumasaqaatinut killissarititaasunut pingaarnernut” tunngasuuvoq, tassunga ilaalluni illuliornermi malittarisassat nutarterneqarnerat.

Illuliornermi malittarisassat inissianik sanaartornermut, inuussutissarsiuteqarfinnik atorfeqarfinnillu sanaartornernut tamanut kiisalu biiliisivinnik, quinik illunillu allanik pingaannginnerusunik, inissianik atorfeqarfinnillu sananermut atasumik sananeqartunut atuupput.

Malittarisassat atorneqassapput

– nutaanik sanaartornermut,
– sanaartukkanut ilassutinut,
– allannguinernut allannguutinullu allanut, malittarisassani aalajangersakkanut sanilliullugit pingaaruteqartutut isigisarialinnut,
– atuinermi allannguutinut, malittarisassani aalajangersakkanut sanilliullugit pingaaruteqartutut isigisarialinnut, aamma sanaartukkanik isaterinernut.

Illuliornermi malittarisassat 2006 uani atuarsinnaavatit