Kalaallit Nunaanni sanaartortitsisunut ilitsersuut

Sanaartortitsinermi ilitsersuummi sanaartugassaq nassuiaatigineqarpoq, sanaartukkap aallartinneraniit sanaartukkap naammassilluni tunniunneqarneranut naliliiffigineqarneranullu. Pisortat sanaartortitsineranni maleruagassat allaaserineqarput aalajangersakkanullu sukumiinerusumik innersuussuteqarluni.

Sanaartortitsisunut ilitsersuut Namminersornerullutik Oqartussat pisortaqarfiinut taakkulu ataanni suliffeqarfinnut immikkut sanaartornermik siunnersuisoqanngitsunut tunnganeruvoq. Ilitsersuulli soorlu kommunet sanaartortitsinerini sanaartortitsinermilu ingerlataqartunit kiisalu piginneqatigiilluni inissiaatileqatigiinnit aallarterlaanit atorluarneqarsinnaavoq.

Erhvervs- og Boligstyrelsip 2003-mi sanaartortitsinermi ilitsersuusiaa ilitsersuutip matuma suliarineqarnerani isumassarsiorfiuvoq aammalu Kalaallit Nunaanni sanaartornernut naleqqussarneqarsimalluni.

Sanaartortitsinermi misilittagaareersut sanaartortitsisunut ilitsersuummi ingerlateqqinneqarput.

Suliani ataasiakkaani suliarineqartussaq qanoq annertutigissanersoq sanaartortitsisup nammineq aalajangigassaraa. Imaappoq suliarineqartut ilaanni ilitsersuutip ilaannaa sanaartortitsisumut naleqquttuusinnaavoq. Sanaartortitsisumut suliassaqartuaannartumut ilitsersuut sanaartortitsisup tamakkiisumik suliassaanut tunngavissaalluarpoq, sanaartornissamik pisariaqartitsilernermiit atuilernermut aammalu naliliinissamut.

Sanaartortitsisunut ilitsersuut aasinnaavat "Kalaallit Nunaanni sanaartortitsisunut ilitsersuut", marts 2005 (711 KB)