Aningaasaateqarfiup pilersinneqarnerani siunertaavoq, sanaartugassanut aningaassaliissutaasartut eqaannerusumik aqunneqalernissaat.
Namminersornerullutik Oqartussat ukiut tamaasa aningaasanik aningaasanut inatsisikkut sanaartugassanut iluarsagassanullu immikkoortitsisarput. Sanaartugassanut aningaasaliissutit sanaartugassarpianut, maskiinanik, atortussanik illunillu pisiniarnernut, suliassanut kommuninit namminersortunilluunniit aqunneqartunut tapiissutinut, kiisalu nammineq illuliassanut atortussanut katiteriaannarnut aamma BSU-mit taarsigassarsilluni illulianik pitsanngorsaanissanut immikkoortinneqartarput.
Sanaartugassanut Iluarsagassanullu Aningaasaateqarfimmi maleruagassat, Namminersornerullutik Oqartussat missingersuutaat pillugit Inatsisartut inatsisaanni nr. 8-mi, 29. oktober 1999-imeersumi aalajangersarneqarput.
Sanaartugassanut Iluarsagassanullu Aningaasaateqarfik pillugu ukiumoortumik nassuiaasiaq ukiut tamaasa Inatsisartut upernaakkut ataatsimiinneranni saqqummiunneqartarpoq. Nassuiaasiami ukiup siuliani aningaasaateqarfiup ataatsimut isigalugu ineriartornera nassuiaatigineqartarpoq.
Sanaartornermi Iluarsartuussinermilu Aningaasaateqarfik pillugu paasissutissat uani aaneqarsinnaapput.
Sanaartornermi Iluarsartuussinermilu Aningaasaateqarfik pillugu killiffik uani takuneqarsinnaavoq.