Uumassusilinnik isumannaatit pillugit

Inatsisartut inatsisaat nr. 20, 20. november 2006-imeersoq

Kalaallit Nunaanniipput uumasut, naasut aamma uumassusillit tappiorannartut assigiinngitsorpassuit, tamarmik Kalaallit Nunaanni uumaniarnermi immikkut ittuusunut naleqqussarsimasut. Issittumik avatangiiseqarlutik piffissami sivisuumik uumassuseqarnikkut ineriartornerup kingunerisaanik uumassuseqarnikkut immikkooruteqartut misissuiffiginiarlugit nunanit tamalaanit ilisimatusariarlutik angalasorpassuit Kalaallit Nunaanukartarput.

Ullumikkut pinnguutinik teknikikkut atortorissaaruteqarnikkut malekylinillu ilisimaqarnikkut taakku naleqqussarsimaneri iluanaarutiginiarlugit soqutiginartunik atorfissaannik periarfissarpassuarnik nassaassaqarpoq.

Uumassuseqarnikkut isumalluutit taakku tunngavigalugit nalip pilersinneqartup ilaanik naammaginartumik Kalaallit Nunaata pissarsinissaa qularnaarniarlugu ”Uumassusilinnit isumalluutit niuernermi ilisimatusarnermilu atorneri pillugit Inatsisartut inatsisaat nr. 20, 20. novermber 2006-imeersoq” ulloq 20. november 2006-imi Inatsisartunit akuerineqarpoq.

Inatsit FN-ip Uumassusillit assigiinngisitaarneri pillugit isumaqatigiissutaanut naapertuuppoq silaqassutsikkullu uumassusilinnut isumalluutinut atuunnani.

Pinngortitamik ilisimatusaatigaluni ilisimatusarnissamut qinnuteqaatinut Namminersornerullutik Oqartussanit tiguneqartunut tamanut Inuussutissarsiornermut, Suliffeqarnermut Inuussutissarsiutinullu ilinniartitaanermut Aqustsisoqarfik tusarniaasarfiuvoq suliniutillu inatsimmut attuumassuteqarnersut misissortarlugit tamatumalu kingorna inatsit naapertorlugu immikkut akuersissutinik imaluunniit ilisimatusarnissamut akuersissutinik tunniussisarluni.  

more information and application