Sulisinnaasut nunanit tamalaaneersut

Kalaallit Nunaannut suliffissarsiortut killilersimaarnissaat pillugu Inatsisartut inatsisaat nr. 27, 30. oktober 1992-imeersoq.

Siunertaq:
”Inatsisartut inatsisaata matuma siunertaraa sulisinnaasut Kalaallit Nunaanniittut suliffissanut maaniittunut siulliusussaatitaanerisa qularnaarneqarnissaa.”

Piumasarineqartut naapertorlugit ilinniagalimmik kommunimi aamma kommunini allani nunaqavissimik sulisinnaasumik nassaassaqanngippat sulisinnaasumik tikisitsinissamut qinnuteqartoqarsinnaavoq.

Sulisussarsiorniaruit kommunimi Suliffissarsiuussisarfimmut saaffiginnissaatit. Tamanna pillugu qinnuteqaat kommunip Suliffissarsiuussisarfia aqqutigalugu qinnutigineqassaaq.

Qinnuteqaat uunga nassiunneqassaaq:
Udlændingeservice
Ryesgade 53
2100 København Ø