Suliffeqarneq

Kalaallit Nunaanni suliffeqarneq ullut allanngorneqalerfiit nalaaniippoq. Inuussutissarsiutit nutaat takkussuutilerput suliffeqarnermilu periarfissanik pissanganartunik pilersitsillutik.

Sulisinnaasut ilinniarluarsimasuunissaat nikerarsinnaasullu, periarfissanik nutaanik iluaquteqarnissamut piareersimasut qularnaarniarlugit Suliffeqarnermut Inuussutissarsiutinullu ilinniartitaanernut Pisortaqarfik sulissuteqarpoq.

Tassani najoqqutassat ilaat tassaavoq atorsinnaasanik pisinnaasaqarneq. Atorsinnaasunik pisinnaasaqarneq pillugu pilersaarutikkut sulisut ilinniarsimanngitsut pisinnaasaminnut allagartartaarnissaannut periarfissaqalerput. Inuit nikerartumik isertitaqartut ataavartumik atorfeqalernissamut aalaakkaasumillu isertitaqarnissamik isumannaarisumik inuussutissarsiummut allamut atuartinneqarnissamut periarfissaqalerput. Tamanna ataasiakkaanut inuiaqatigiinnullu iluaqutaasussaavoq.

Illoqarfiit nunaqarfiillu ilaanni suliffissarsiortut suliffissarsinissaminnut ajornartorsiuteqarput. Illoqarfiit allat sulisinnaasunik amigaateqarput. Naalakkersuisut taamaattumik sulisinnaasunik nuttarnerulersitsiniarluni aningaasanik immikkoortitsinikuupput.

Sulisartoq sulisussanik amigaateqarfiusumut nuunnermigut angalanermut pigisallu nuunnerinut tapiiffigitissinnaavoq. Tapiissutit sulisartup nuuffigisaanit kommunimit qinnutigineqassapput.

Sulisartut inuussutissarsiutinut siuariartorfiusunut nutaanut tulluussarnissaat;

Teknikkikkut nalunaarusiaq