Inuussutissarsiutit

Nunarsuarmi aningaasarsiornerup nunarsuarmilu niuernerup nunarsuaq tamakkerlugu siaruariartornerat pissutigalugu nunap ataatsip unammillersinnaassusianut allanngortitsisinnaasssianullu piumasaqaatit suli annertusiartorput – taamaalillunilu tunisassiat niuerfigisallu ineriartortittuarnissaat pillugit suliffeqarfinnut ataasiakkaanut. Tamanna taamaallaat aqqutigalugu isertitaqarneq attanneqarsinnaavoq annertusineqarlunilu inuiaqatigiinni ineriartornerup nukittornissaanut aningaasarsiornikkut tunngavissaqalersitsisumik.

Tamanna tunngavigalugu naalakkersuisut 2005-imi inuussutissarsiutinik siuarsaanerup aaqqissuussaanera nutaaq akueraat. Eqikkarlugu aaqqissuussaaneq imatut tapertaassaaq

• Nunap immikkoortuini kommuninilu inuussutissarsiutinik siuarsaanerit nukittorsarnerinut
• Suliffeqarfinnik nunatsinni niuerfiusumi unammillersinnaasuseqartunik tamannalu aqqutigalugu nunatsinni inuussutissarsiutinut uummaarinnerusumik pilersitsisinnaasunut qiimmassaaneq
• Tunisassianik ineriartortitsinerulernermut tapersersuineq aamma nutaaliorfinnut tunngatillugu suliniutit nukittorsarneri, taamaalilluni tunisassiani kffartuussinernilu ilisimasat nutaat inerisarneqarsinnaallutik tamannalu aqqutigalugu avammut niuernermut iluaqutaasumik tunisassiat suliffeqarfinnut naleqarnerulersillugit
• Inuussutissarsiutinik siuarsaanerit, pilersitsiniarnermi malittarisassat, aningaasalersuineq, avammut niuernermi aaqqissuussinerit il.il. pillugit paasissutissanut attuumassuteqartunut aallarnissaasartut suliffeqarfiillu pitsaanerusumik isersinnaalernissaat

Aallerfigisassaq:

Inuussutissarsiutinik ineriartortitsinermut atukkat pitsaanerusut – inuussutissarsiutinik siuarsaanermi aaqqissuussaaneq nutaaq
Inuussutissarsiutinik siuarsaaneq pillugu nalilersuineq